წყლის ჭავლის გაშვებისა და დარბევის პარალელურად, ძალოვნებმა აქციის მონაწილეების დაკავებები დაიწყეს. ზუსტი რაოდენობა ამ დროისათვის უცნობია, თუმცა არსებული ინფორმაციით სამი ადამიანი რობოკოპებმა პარლამენტის შენობის მიმდებარედ - ჭიჭინაძისა და ძმები ზუბალაშვილების ქუჩებიდან აიყვანეს. 

გაზი გაუშვეს ქაშუეთის ეკლესიის ეზოშიც.

პარლამენტის ცენტრალურ შესასვლელთან ადგილი აქვს სპეცრაზმსა დააქციის მონაწილეებს შორის დაპირისპირებას. აქციის მონაწილეების დაკავებას სხვა მომიტინგეების მხრიდან პროტესტი ახლავს.

პარლამენტის ცენტრალური შესასვლელის გარდა, ინციდენტებს აქვს ადგილი ჭიჭინაძისა და ჩიტაძის ქუჩებზეც. ამ დროისთვის საკანონმდებლო ორგანოს ოთხივე შესასვლელთან დაძაბული ვითარებაა.

 "ექსპრესნიუსის" კორესპონდენტიც ცნობით, პარლამენტის მიმდებარე ტერიტორიიდან 4 არასრულწლოვანი დააკავეს. მათ შორის 14 წლის მოზარდია.

ბლოგერი და აქტივისტი ბექა კვაჭანტირაძე აცხადებს, რომ არასრულწლოვანთა დაკავება მოხდა მის წინ. მისი ინფორმაციით, ერთ-ერთი არარსრულწლოვანი იყო 13 წლის მას სპეცდანიშნულების რაზმის წარმომადგენელმა თავში ქვა გაარტყა. რის შემდეგაც აქციის მონაწილეებმა მოზარდი სასწრაფო დახმარების მანქანამდე მიიყვანეს.

ავტორი: ექსპრესნიუსი,

სოციალური ქსელები

ერთიანი ეროვნული გამოცდები დაიწყო, გამოცდა ქართული ენისა და ლიტერატურაში ტარდება

ნეთანიაჰუ: ისრაელი წელს აშშ-ს ფინანსურ დახმარებაზე უარს იტყვის

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა