2024-11-09 11:37:00, 485 ნახვა
მსოფლიო
პაკისტანში რკინიგზის სადგურზე აფეთქების შედეგად, სულ მცირე, 24 ადამიანი დაიღუპა - არიან დაშავებულები
პაკისტანში, ბელუჯისტანის პროვინციის ქალაქ კვეტაში, რკინიგზის სადგურზე ძლიერი აფეთქება მოხდა, რის შედეგადაც 24 ადამიანია დაღუპული, 40-ზე მეტი კი დაშავდა. ამის შესაებ ინფორმაციას Reuters-ი ავრცელებს.
ბელუჯისტანის პოლიციის წარმომადგენლის თქმით, რკინიგზის სადგურზე სავარაუდოდ თვითმკვლელმა ტერორისტმა აიფეთქა თავი.
აფეთქება მაშინ მოხდა, როდესაც პეშავარის მიმართულებით მატარებელი უნდა გასულიყო.
თავდასხმაზე პასუხისმგებლობა არცერთ დაჯგუფებას არ აუღია.
ადგილზე მიმდინარეობს საგამოძიებო მოქმედებები. პროვინციის მთავარმა მინისტრმა სარფრაზ ბუგტიმ ინციდენტის გამოძიების ბრძანება გასცა.
ავტორი: ექსპრესნიუსი,
epn.ge (@expressnews.ge)
