2024-10-07 17:59:19, 302 ნახვა

---

პაპუაშვილი გახარიას გუნდის წევრზე - ზურაბ ადეიშვილის პროკურორი არის გახარიას გუნდის მთავარი სახე, რომელიც გვემუქრება ადეიშვილის მეთოდებით

როდესაც ვსაუბრობთ,  რომ გახარიას პარტია „ნაციონალურ მოძრაობასთან“ შეკრულია ვხედავთ, როგორც ფორმალურად, როდესაც მათ აქვთ კოალიციები შექმნილი ადგილობრივ თვითმმართველობაში და ძალიან არ უნდათ ხოლმე საჯაროდ ამისი დადასტურება, მაგრამ ეს ხომ ფაქტია, კოალიციები აქვთ შექმნილი და მეორე - მათი გუნდიც ასეთი შემადგენლობითაა შექმნილი,- ამის შესახებ პარლამენტის თავმჯდომარემ, შალვა პაპუაშვილმა განაცხადა.

მისივე განცხადებით, "გახარიას პარტიის ერთ-ერთი წევრი ზურაბ ადეიშვილის პროკურორია, რომელიც კვლავ ყველას დაჭერით და დაპატიმრებით იმუქრება".

"ზურაბ ადეიშვილის პროკურორი არის გახარიას გუნდის მთავარი სახე, რომელიც ამავე დროს  გვემუქრება ზურაბ ადეიშვილის მეთოდებით - ყველას დაჭერით და დაპატიმრებით.  ერთადერთი პატიოსანი კაცი ჰყავდათ მიხეილ დაუშვილის სახით და იმასაც უღალატა  ბატონმა გიორგი გახარიამ",- განაცხადა შალვა პაპუაშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი