ტესტირების ჩატარება და საპარლამენტო კომისიის შექმნა, ნებისმიერ საკითხთან დაკავშირებით, მიზანშეწონილად არ მიმაჩნია, - ამის შესახებ ფრაქცია "ქართული ოცნების" თავმჯდომარემ, გია ვოლსკიმ განაცხადა.

მისივე თქმით, მთავრობა უზენაესი სასამართლოს გადაწყვეტილებებსა და საქმეებში არ ერთვება

"არსებობს სტრუქტურა, მათ შორის სასამართლო, რომლის გადაწყვეტილებები შეიძლება მოგვწონდეს ან არ მოგვწონდეს, მაგრამ რეალურად ეს არის დამოუკიდებელი ორგანო, რომელიც გადაწყვეტილებებს ღებულობს არა პიარულად, არამედ საქმიდან გამომდინარე. ჩვენ ამ საქმეში ჩარევის ნაკლები რესურსი გაგვაჩნია, არც უნდა გაგვაჩნდეს. მთავრობა უზენაესი სასამართლოს გადაწყვეტილებებსა და საქმეებში არ ერთვება. ვფიქრობ ეს ბრალდებები არის ჰაერიდან მოტანილი.

ტესტირების ჩატარება და საპარლამენტო კომისიის შექმნა, ნებისმიერ საკითხთან დაკავშირებით, მიზანშეწონილად არ მიმაჩნია. ამიტომ, მამუკა ახველდიანის გადაწყვეტილებას არ ვემხრობი", - განაცხადა გია ვოლსკიმ.

ცნობისთვის, თბილისის საქალაქო სასამართლოს ყოფილმა თავმჯდომარემ მამუკა ახვლედიანმა განაცხადა, რომ მოსამართლეთა საგამოცდო ტესტების საკითხზე დროებითი საპარლამენტო-საგამოძიებო კომისია უნდა შეიქმნას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება