დავუთოღლუ: რუსეთისთვის საქართველოს ოკუპაციაზე სათანადო პასუხი რომ გაცემულიყო, უკრაინისა და სირიის ოკუპაცია არ მოხდებოდა

2016-02-15 18:25:38, 641 ნახვა

პოლიტიკა

საერთაშორისო თანამეგობრობას რუსეთის მხრიდან საქართველოს ოკუპაციაზე სათანადო პასუხი რომ გაეცა, უკრაინისა და სირიის ოკუპაცია არ მოხდებოდა.

ამის შესახებ თურქეთის პრემიერმა ახმედ დავუთოღლუმ თავის უკრაინელ კოლეგასთან არსენი იაცენიუკთან ერთობლივ პრესკონფერენციაზე განაცხადა. დავუთოღლუს თქმით, რუსეთი ამ დროისთვის სამი ქვეყნის ოკუპაციას ეწევა – უკრაინის, საქართველოს და სირიის, ხოლო სომხეთს, რუსეთის დახმარების, აზერბაიჯანის ტერიტორიები აქვს ოკუპირებული.

„დღეს თურქეთი და უკრაინა უკრაინასა და სირიაში რუსეთის აგრესიული პოლიტიკის წინააღმდეგ გამოდიან. თურქეთი ოკუპირებული ქვეყნების ტერიტორიულ მთლიანობას უჭერს მხარს. ყირიმი უკრაინის ტერიტორიაა“, – განაცხადა დავუთოღლუმ.

მისივე თქმით, რუსეთის ხელმძღვანელობას სსრკ–ს აღორძინება სურს, რაც მას არაფერს კარგს არ მოუტანს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან