2024-03-08 17:37:10, 911 ნახვა
მსოფლიო
ვოლოდიმირ ზელენსკი თურქეთში ჩავიდა
უკრაინის პრეზიდენტი ვოლოდიმირ ზელენსკი თურქეთში ჩავიდა. ამის შესახებ ინფორმაციას უკრაინული მედია ავრცელებს.
მედიის ცნობით, ზელენსკი ვიზიტის ფარგლებში თურქეთის პრეზიდენტს, რეჯეფ თაიფ ერდოღანს შეხვდება, რის შემდეგაც ერთობლივი პრესკონფერენცია გაიმართება.
მათივე ინფორმაციით, პირისპირ შეხვედრის შემდეგ უკრაინისა და თურქეთის დელეგაციების გაფართოებულ ფორმატში შეხვედრაც იგეგმება.
აღსანიშნავია, რომ ვიზიტამდე, თურქეთის პრეზიდენტი სოციალურ ქსელში წერდა, რომ ზელენსკისთან შეხვედრაზე საუბრის მთავარი თემა უკრაინა-რუსეთის ომის მიმდინარეობასა და "შავი ზღვის მარცვლეულის შეთანხმებასთან" დაკავშირებული საკითხები იქნება.
ავტორი: ექსპრესნიუსი,
epn.ge (@expressnews.ge)
