წითელი ხაზები გლობალურ პოლიტიკაში ნამდვილად არ არსებობს,- ამის შესახებ უკრაინის პრეზიდენტის ადმინისტრაციის მრჩეველი მიხაილო პოდოლიაკი სოციალურ ქსელ X-ზე წერს.

როგორც პოდოლიაკი აღნიშნავს, „წითელი ხაზები მოიგონეს მათ, ვისაც არ სურს პასუხისმგებლობის აღება და ცდილობს, ზურგი შეაქციოს რეალურ პრობლემებს".

„წითელი ხაზები გლობალურ პოლიტიკაში ნამდვილად არ არსებობს. ისინი მოიგონეს მათ, ვისაც არ სურს პასუხისმგებლობის აღება და მუდმივად ცდილობს, ზურგი შეაქციოს რეალურ პრობლემებს, არ შეხედოს… ამ მითს აქტიურად იყენებენ რუსეთის მსგავსი ქვეყნები, რომ პრიმიტიულად შეაშინონ თავიანთი აგრესიული პროპაგანდით. სინამდვილეში კი, რუსეთი უპირობოდ აცხადებს უარს საერთაშორისო სამართალზე, საერთაშორისოდ დადგენილ წესებზე, ჰუმანიზმსა და ადამიანობაზე, ომის დანაშაულებზე პასუხისმგებლობაზე.

რუსეთი ყოველთვის ავრცელებს გაბერილ მითებს, აქვს შიშის და კოლექტიური უპასუხისმგებლობის იმედი. თუმცა, დრო შეიცვალა და ევროპული დემოკრატიები დღეს მკაფიოდ აჩვენებენ სურვილს, სწორი აქცენტები დასვან ომში და რუსეთის მომავალში - ომი უნდა დასრულდეს რუსეთის სამართლიანი დამარცხებით და ტრანსფორმაციით“,- წერს პოდოლიაკი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს