2024-02-19 11:09:38, 850 ნახვა
პოლიტიკა
პრეზიდენტი - ერთადერთი, რაც საქართველო-რუსეთის ურთიერთობაში შეიძლება შეიცვალოს, არის ის, რომ რუსეთი გავიდეს ყველა ოკუპირებული ტერიტორიიდან
არ მგონია, რომ საქართველო-რუსეთის ურთიერთობაში რამე შეიცვალოს,- ამის შესახებ საქართველოს პრეზიდენტმა, სალომე ზურაბიშვილმა Deutsche Welle-სთან ინტერვიუში განაცხადა.
პრეზიდენტის თქმით, "ერთადერთი, რაც შეიძლება შეიცვალოს, არის ის, რომ რუსეთი გავიდეს ყველა ოკუპირებული ტერიტორიიდან, იქნება ეს უკრაინისა თუ საქართველოსი".
"ესაა ევროპის უსაფრთხოების მომავალი და არა ის, რომ ევროპის გვერდით იყოს ქვეყანა, რომელიც დამოუკიდებელი ქვეყნების ტერიტორიებს იკავებს",- განაცხადა ზურაბიშვილმა.
შეკითხვას - რას მოელით ამ მომენტში ევროპელებისა და ევროკავშირისგან? - პრეზიდენტმა ასე უპასუხა:
"გაფართოება, გაფართოება და გაფართოება".
ავტორი: ექსპრესნიუსი,
epn.ge (@expressnews.ge)
