ევროპული საბჭოს პრეზიდენტმა, შარლ მიშელმა ბელგიურ მედიას განუცხადა, რომ ივნისში ევროპარლამენტის არჩევნებში მონაწილეობას გეგმავს. ამის შესახებ ინფორმაციას Politico ავრცელებს.

როგორც გამოცემა წერს, მიშელის არჩევა ნიშნავს, რომ ევროკავშირის ლიდერები სწრაფად უნდა შეთანხმდნენ მემკვიდრეზე, რომელიც ევროპული საბჭოს პრეზიდენტის პოსტს დაიკავებს და თუ ისინი ამას არ გააკეთებენ, უნგრეთის პრემიერ-მინისტრი ვიქტორ ორბანი, რომლის ქვეყანაც ივლისში ევროკავშირის საბჭოს თავმჯდომარე ქვეყანა ხდება, საბჭოს შეხვედრებს უხელმძღვანელებს.

Politico-ს ცნობით, ეს პირველი შემთხვევაა, როდესაც ევროსაბჭოს მოქმედი პრეზიდენტი ევროპარლამენტის არჩევნებში კანდიდატი იქნება.

"2024 წლის ევროპარლამენტის არჩევნებში მონაწილეობა გადავწყვიტე",- ამბობს მიშელი De Standaard-თან, Le Soir-სა და La Libre-თან ინტერვიუში და არ აკონკრეტებს, რა როლის შესრულება სურს ევროპარლამენტში, თუმცა აღნიშნავს, რომ აპირებს შეუერთდეს ბელგიურ ლიბერალურ პარტია MR - Mouvement Réformateur-ს.

ცნობისთვის, შარლ მიშელს, რომელიც ევროპული საბჭოს პრეზიდენტის პოსტს 2019 წლიდან იკავებს, უფლებამოსილების ვადა მიმდინარე წლის ნოემბერში ეწურება.

ავტორი: ექსპრესნიუსი,

სოციალური ქსელები

რუსეთში ბენზინის ფასმა პირველად გადააჭარბა 100 რუბლს ლიტრზე

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში