2023-11-10 12:05:45, 847 ნახვა
მსოფლიო
რუსეთში, ჩუკოტკაში თვითმფრინავი გაუჩინარდა
რუსეთში, ჩუკოტკაში ავიაკომპანია Strizh Aviation-ის კუთვნილი An-2-ის ტიპის თვითმფრინავი გაუჩინარდა. ამის შესახებ ინფორმაციას TASS-ი ავრცელებს.
TASS-ის ცნობით, თვითმფრინავის ბორტზე 3 ადამიანი - ეკიპაჟის 2 წევრი და ერთი მგზავრი იმყოფება.
თვითმფრინავი პევეკიდან აფრინდა და უკანაც ამ ადგილზე უნდა დამჯდარიყო, თუმცა დაფრენისას კონტაქტი არ დამყარდა.
როგორც გამოცემა ოპერატიულ სამსახურებზე დაყრდნობით იტყობინება, დაწყებულია თვითმფრინავის ძებნა.
"იგივე მარშრუტზე აფრინდა Mi-8 ტიპის ვერტმფრენი, რომელშიც მაშველები იმყოფებიან",- აცხადებენ ოპერატიულ სამსახურებში.
ავტორი: ექსპრესნიუსი,
epn.ge (@expressnews.ge)
