2023-11-04 12:24:26, 676 ნახვა
მსოფლიო
პალესტინის ჯანდაცვა - ალ-შიფას საავადმყოფოსთან მომხდარი აფეთქების შედეგად 13 ადამიანი დაიღუპა
ღაზაში ალ-შიფას საავადმყოფოსთან, სასწრაფო დახმარების ავტომობილზე ავიადარტყმის შედეგად 13 ადამიანი დაღუპა. აღნიშნულის შესახებ ინფორმაციას BBC-ი პალესტინის ჯანდაცვის სამინისტროზე დაყრდნობით ავრცელებს.
პალესტინის ჯანდაცვის სამინისტროს ცნობით, ისრაელმა სასწრაფო დახმარების იმ ავტოკოლონაზე მიიტანა იერიში, რომლითაც ალ-შიფას საავადმყოფოდან დაშავებულები რაფაჰის საკონტროლო-გამშვები პუნქტისკენ უნდა გადაეყვანათ.
შეგახსენებთ, რომ გუშინ, 3 ნოემბერს ღაზას მთავარ საავადმყოფოსთან, ალ-შიფასთან სასწრაფო დახმარების ავტომობილზე თავდასხმა მოხდა.
მომხდარზე პასუხისმგებლობა ისრაელის შეიარაღებულმა ძალებმა აიღო.
ავტორი: ექსპრესნიუსი,
epn.ge (@expressnews.ge)
