2023-11-04 12:03:50, 739 ნახვა
მსოფლიო
ენტონი ბლინკენი იორდანიაში ჩავიდა
ამერიკის შეერთებული შტატების სახელმწიფო მდივანი ენტონი ბლინკენი იორდანიაში ჩავიდა. აღნიშნულის შესახებ ინფორმაციას BBC-ი ავრცელებს.
BBC-ის ცნობით, ვიზიტის ფარგლებში ბლინკენი საუდის არაბეთის, კატარის, არაბთა გაერთიანებული საამიროების, ეგვიპტის საგარეო საქმეთა მინისტრებს და პალესტინის წარმომადგენლებს შეხვდება.
„ჩვენ განვიხილავთ არაბულ პოზიციას, რომელიც მოითხოვს ცეცხლის შეწყვეტას, ღაზასთვის ჰუმანიტარული დახმარების მიწოდებას და სიტუაციის გაუარესების შეჩერებას, რადგან იგი რეგიონის უსაფრთხოებას უქმნის საფრთხეს", - აღნიშნულია იორდანიის საგარეო საქმეთა სამინისტროს განცხადებაში.
ცნობისთვის, გუშინ, 3 ნოემბერს ამერიკის შეერთებული შტატების სახელმწიფო მდივანი ენტონი ბლინკენი ისრაელს ეწვია.
ავტორი: ექსპრესნიუსი,
epn.ge (@expressnews.ge)
