ჩემში ეს 19 წლის გოგო ისევ ცოცხლობს - ამაყი ვარ, რომ ვიდექი იქ, სადაც იყო თავისუფლება, - ამის შესახებ ნანა მახარაძემ ოპერისა და ბალეტის თეატრში გამართულ ღონისძიებაზე განაცხადა, სადაც ის საქართველოს პრეზიდენტმა, სალომე ზურაბიშვილმა ღირსების მედლით დააჯილდოვა.

მახარაძემ სიტყვით გამოსვლისას აღნიშნა, რომ საქართველოს მომავალი ევროპაშია.

"მადლობა საქართველოს პრეზიდენტს, ქალბატონ სალომე ზურაბიშვილს. დიდი მადლობა თქვენ, დამსწრე საზოგადოებავ, მსოფლიოში ყველაზე ლამაზ ქართველ მანდილოსნებს და მე ვიცი, რომ თქვენ ხართ საქართველოს ზურგით მთრევი ქალბატონები, ამისთვის ძალიან დიდი მადლობა თქვენ. ეს 19 წლის გოგო ჩემში ისევ ცოცხლობს. მე ამაყი ვარ, იმიტომ რომ ვიდექი იქ, სადაც იყო სიმართლე, თავისუფლება და სადაც იყო ჩემი ქვეყნის მომავალი. დღეს ჩვენ ისევ ვაგრძელებთ ბრძოლას და ჩვენი მომავალი, რა თქმა უნდა, ევროპისკენ არის", - განაცხადა მახარაძემ.

ცნობისთვის, ნანა მახარაძის გარდა, დღეს საქართველოს პრეზიდენტმა, სალომე ზურაბიშვილმა 9 აპრილისადმი მიძღვნილ ღონისძიებაზე ღირსების მედლით საქართველოს ევროპული მომავლისთვის ბრძოლაში მტკიცე და აქტიური სამოქალაქო პოზიციის გამოვლენისთვის ნანა მალაშხიაც დააჯილდოვა.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”