მათი დაკავება იყო აბსულუტურად უკანონო, - ასე ეხმაურება სახალხო დამცველი ლევან იოსელიანი "უცხოური აგენტების" კანონპროექტის წინააღმდეგ პროტესტში მონაწილე პირების დაკავებას.  

როგორც ომბუდსმენმა ჟურნალისტებთან საუბრისას თქვა, აღნიშნული ადამიანები მხოლოდ საკუთარ აზრს გამოხატვდნენ.

"ადამიანები, რომლებიც იდგნენ, არ არღვევდნენ კანონს, მათი დაკავება, წაყვანა წინასწარი დაკავების იზოლატორში, იყო აბსოლუტურად უკანონო იმიტომ, რომ ისინი უბრალოდ გამოხატავდნენ თავიანთ აზრს", - განაცხადა ლევან იოსელიანმა ჟურნალისტებთან საუბრისას. 

ცნობისთვის, შინაგან საქმეთა სამინისტრომ 7-8 მარტს, პარლაენტთან გამართულ საპროტესტო აქციებზე ათობით პირი დააკავა. გუშინ, 29 მარტს  კი, პროტესტში მონაწილე კიდევ ერთი პირის, ლაზარე გრიგორიადისის დაკავება მოხდა.

შსს-ს ინფორმაციით, გამოძიებით დადგინდა, რომ ლაზარე გრიგორიადისმა მიმდინარე წლის 7, 8, 9 მარტს, თბილისში, რუსთაველის გამზირზე გამართულ საპროტესტო აქციაზე პოლიციის თანამშრომლებს ესროლა ქვები და ე.წ. მოლოტოვის კოქტეილები, რის შედეგადაც დაზიანება მიიღეს სამართალდამცველებმა. ასევე, მან ცეცხლი წაუკიდა შინაგან საქმეთა სამინისტროს კუთვნილ ავტომობილს.

აღნიშნულ ფაქტებზე გამოძიება სისხლის სამართლის კოდექსის 353-ე პრიმა და 187-ე მუხლებით წარიმართა.

ავტორი: ექსპრესნიუსი,

სოციალური ქსელები

ნატო უკრაინისთვის 70 მილიარდი ევროს ღირებულების იარაღის მიწოდებას გეგმავს

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა