2023-01-08 16:21:09, 1492 ნახვა
სამართალი
თერჯოლის მუნიციპალიტეტში ცოლ-ქმარი მოკლული იპოვეს
თერჯოლის მუნიციპალიტეტის სოფელ გოდოგანში ცოლ-ქმარი მოკლული იპოვეს. არაოფიციალური ინფორმაციით, ქმარმა ცოლი მოკლა, შემდეგ კი, თავი მოიკლა.
როგორც "ექსპრესნიუსს" შინაგან საქმეთა სამინისტროში განუცხადეს, დაწყებულია გამოძიება საქართველოს სისხლის სამართლის კოდექსის 109-ე მუხლით, რაც დამამძიმებელ გარემოებაში განზრახ მკვლელობას გულისხმობს.
შემთხვევის ადგილზე საგამოძიებო მოქმედებები მიმდინარეობს.
მომხდართან დაკავშირებით მეტი დეტალი ამ დროისთვის უცნობია.
ავტორი: ექსპრესნიუსი,
epn.ge (@expressnews.ge)
