2022-10-06 13:28:36, 1731 ნახვა
ომი უკრაინაში
ხარკოვის დეოკუპირებულ ნაწილში 534 მშვიდობიანი მოქალაქის ცხედარი იპოვეს
ხარკოვის დეოკუპირებულ ნაწილში რუსი ოკუპანტების მიერ მოკლული 534 უკრაინელი მშვიდობიანი მოქალაქის ცხედარი იპოვეს. UNIAN-ის ცნობით, ამის შესახებ ხარკოვის რეგიონში ეროვნული პოლიციის უფროსი დეპარტამენტის საგამოძიებო განყოფილების ხელმძღვანელმა, სერხი ბოლვინოვმა განაცხადა.
ბოლვინოვის თქმით, რეგიონის დეოკუპირებულ ტერიტორიაზე 22 წამების კამერა აღმოაჩინეს.
„სამწუხაროდ, დეოკუპირებულ ტერიტორიებზე ჩვენ უკვე აღმოვაჩინეთ 534 მშვიდობიანი მოქალაქის ცხედარი. მათგან 226 ქალია, 260 მამაკაცი, 19 ბავშვი (მათ შორის 13 უცნობია) და 29 ადამიანის ნეშტის სქესი ჯერ დადგენილი არ არის", - განაცხადა ბოლვინოვმა.
ავტორი: ექსპრესნიუსი,
epn.ge (@expressnews.ge)
