2022-09-29 11:52:03, 1565 ნახვა
ომი უკრაინაში
რუსმა ოკუპანტებმა დნიპროზე სარაკეტო იერიში მიიტანეს - დაიღუპა 3 ადამიანი, მათ შორის ბავშვი
რუსმა ოკუპანტებმა დნიპროზე სარაკეტო იერიში მიიტანეს. უკრაინული მედია დნეპროპეტროვსკის რეგიონული სამხედრო ადმინისტრაციის ხელმძღვანელზე დაყრდნობით წერს, რომ შემთხვევის შედეგად, დაიღუპა 3 და დაშავდა 5 ადამიანი.
ვალენტინ რეზნიჩენკოს თქმით, დაღუპულთა შორის ერთი ბავშვია.
"რუსებმა ღამით ესროლეს რაკეტები დნეპროს. ამ ეტაპზე, 3 გარდაცვლილის შესახებ გვაქვს ინფორმაცია, მათ შორის ერთი ბავშვია. დაშავებულია 5 ადამიანი, რომელთაგან ერთი 12 წლის გოგონაა. მაშველებმა ის დანგრეული სახლიდან გამოიყვანეს. იერიშის შედეგად, რამდენიმე კერძო სახლი მთლიანად დაინგრა. მაშველები ნანგრევებში ადამიანებს ეძებენ - შესაძლოა, იქ ბავშვებიც იყვნენ", - აცხადებს დნეპროპეტროვსკის რეგიონული სამხედრო ადმინისტრაციის ხელმძღვანელი.
ავტორი: ექსპრესნიუსი,
epn.ge (@expressnews.ge)
