რუსეთის მიერ მხარდაჭერილი ოფიციალური პირები ხერსონის ოლქში რუსეთის ფედერაციასთან შეერთების მოთხოვნით რეფერენდუმს 2022 წლის შემოდგომას ჩაატარებენ,- ამის შესახებ ინფორმაციას ბრიტანეთის დაზვერვა ავრცელებს.

დაზვერვის ცნობით, ოკუპაციისთვის კონსტიტუციური გადაწყვეტილების პოვნა, სავარაუდოდ, რუსეთის პოლიტიკის პრიორიტეტული მიზანია. დიდი ალბათობით, ის მზად იქნება კენჭისყრის გაყალბებისთვის.

„რუსეთის მიერ მხარდაჭერილმა ოფიციალურმა პირებმა განაცხადეს, რომ ხერსონის ოლქის რუსეთის ფედერაციასთან შეერთების შესახებ რეფერენდუმს 2022 წლის შემოდგომაზე ჩაატარებენ. რუსეთი, სავარაუდოდ, უპირატესობას ანიჭებს ფსევდოკონსტიტუციურ კენჭისყრას რეგიონზე კონტროლის მისაღებად“,- აღნიშნულია დაზვერვის განცხადებაში.

ამასთან, დაზვერვის ცნობით, 2022 წლის 28 ივნისს ქალაქ ხერსონის არჩეული მერი იჰორ კოლიხაევი დააკავეს, დიდი ალბათობით, ოკუპაციის წინააღმდეგ ოპოზიციის ჩახშობის მცდელობისას. თუმცა, ოკუპირებულ ტერიტორიებზე ფართოდ გავრცელებული შეიარაღებული და მშვიდობიანი წინააღმდეგობა გრძელდება.

ცნობისთვის, ხერსონი არის რეგიონი, რომელიც თებერვლის შემდეგ ყველაზე ფართოდ იქნა მოქცეული რუსეთის ოკუპაციის ქვეშ.

ამასთან, 24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს