ამერიკის შეერთებულმა შტატებმა, ისტორიაში პირველად, მიაწოდა ევროპას უფრო მეტი გაზი , ვიდრე რუსეთმა. ამის შესახებ  ენერგეტიკის საერთაშორისო სააგენტოს აღმასრულებელმა დირექტორმა, ფატიჰ ბიროლმა განაცხადა.

მისივე თქმით, რეკორდული მიწოდება დაფიქსირდა 2022 წლის ივნისში. 

”რუსეთის მიერ ევროკავშირში ბუნებრივი გაზის მოცულობის მკვეთრი შემცირება ნიშნავს, რომ ეს არის ისტორიაში პირველი თვე, როდესაც ევროკავშირმა აშშ-დან უფრო მეტი გაზი შემოიტანა LNG-ის სახით, ვიდრე რუსეთიდან მილსადენებით“, - თქვა ბიროლმა.

2022 წლის 17 ივნისს ცნობილი გახდა, რომ ევროპის ქვეყნები, რუსეთის ფედერაციიდან მიწოდების შემცირების გამო, ზამთრისთვის იყენებენ გაზის რეზერვებს.

ევროკომისიის პრეზიდენტის თქმით, ევროკავშირის ქვეყნებში მთლიანი ენერგეტიკული ბალანსის დაახლოებით 24% არის გაზი. ევროკავშირი ახორციელებს გაზის 90% იმპორტს და ამ იმპორტის 40% რუსული გაზი.

რუსეთმა შეაჩერა გაზის მიწოდება პოლონეთს, ბულგარეთს, ფინეთსა და ნიდერლანდებს, რომლებმაც უარი განაცხადეს მის რუბლებში გადახდაზე.

2022 წლის 20 ივნისს კრემლმა აღიარა, რომ ანტირუსული სანქციები საბოლოოდ  დამარხავს Nord Stream- ს .

2022 წლის 22 ივნისს, ენერგეტიკის საერთაშორისო სააგენტოს (IEA) ხელმძღვანელმა ფატიჰ ბიროლმა ურჩია ევროპას სასწრაფოდ მოემზადოს იმისთვის, რომ რუსეთმა შესაძლოა ზამთარში გაზის მიწოდება მთლიანად შეწყვიტოს.

24 ივნისს ცნობილი გახდა, რომ გაზის დეფიციტის გამო  გერმანიას შეეძლო შეეჩერებინა  ექსპორტი მეზობელ ქვეყნებში. ასევე ცნობილია, რომ ევროპის ქვეყნები, რუსეთის ფედერაციიდან მიწოდების შემცირების გამო, გაზის მარაგს ზამთრისთვის იყენებენ.

2022 წლის 29 ივნისს გაჩნდა ინფორმაცია იმის შესახებ, რომ დიდი ბრიტანეთი მზად იყო შეეწყვიტა გაზის მიწოდება ევროპაში.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს