რუსეთმა დღევანდელი დარტყმა კიევზე კასპიის ზღვის რეგიონიდან „რუსეთის ფედერაციის მაღალი სიზუსტის და ძვირადღირებული რაკეტებით“ დაიწყო, - განაცხადა უკრაინის შეიარაღებული ძალების საჰაერო ძალების ოფიციალურმა წარმომადგენელმა უკრაინულ ტელემარათონზე.

„ასტრახანის რაიონში ფრინდებიან, შეიარაღებულები არიან მთავარი რაკეტებით, რომლებიც ჩვენკენ არის გაშვებული, ეს არის XA-101, მას შეუძლია 5500 კილომეტრამდე ფრენა, ანუ მათ ჩვენთან ფრენა არ სჭირდებათ. უბრალოდ ჰაერში აფრენა, საბრძოლო კურსზე წასვლა და რაკეტების გაშვება უნდა“, - განმარტა მან.

წინასწარი ინფორმაციით, დღეს კიევზე 4-დან 6-მდე რაკეტა იქნა გასროლილი, მათგან ორი საჰაერო თავდაცვის ძალებმა ჩამოაგდეს.

უკრაინის დედაქალაქ კიევზე რუსული სარაკეტო  თავდასხმის შედეგად დაშავებული ორი ადამიანი საავადმყოფოში გადაიყვანეს, სამაშველო ოპერაცია გრძელდება. ამის შესახებ ინფორმაციას კიევის მერი ვიტალი კლიჩკო ავრცელებს.

მისივე თქმით, დაშავებულების ჯანმრთელობის მდგომარეობა დამაკმაყოფილებელია. შევჩენკოვსკის რაიონში საცხოვრებელი კორპუსის ნანგრევებიდან შვიდი წლის გოგონა ამოიყვანეს. 

"მეგობრებო! შევჩენკოს რაიონში მდებარე საცხოვრებელ კორპუსში, რომელსაც რაკეტა მოხვდა, სამძებრო-სამაშველო სამუშაოები გრძელდება. ნანგრევების ქვეშ არიან ადამიანები. ზოგიერთი მაცხოვრებლის ევაკუაცია განხორციელდა, ორი დაშავებული საავადმყოფოში გადაიყვანეს. მაშველები აგრძელებენ მუშაობას, ექიმები მუშაობენ ადგილზე, შევჩენკოს რაიონში საცხოვრებელი კორპუსის ნანგრევებიდან შვიდი წლის გოგონა ამოიყვანეს, ის ცოცხალია,“, - განაცხადა კლიჩკომ.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს