აზოვის პოლკის მეთაური, ლეიტენანტი დენის პროკოპენკო ახალ მიმართვას ავრცელებს და აცხადებს, რომ აზოვსტალის ქარხანაში დაღუპული ჯარისკაცების ცხედრები რჩება და მათი პატივით დაკრძალვა დაუყოვბებლივ არის საჭირო.

მეთაური ამბობს, რომ აზოვსტალში დარჩენილ სამხედროებს თავიანთი  სიცოცხლის გადარჩენის ბრძანება აქვთ მიღებული.

" ჩვენი  პრიორიტეტები იყო მშვიდობიანი მოსახლეობის ევაკუაცია, მძიმედ დაჭრილთათვის დახმარების გაწევა. ეს ელემენტები დასრულებულია, რჩება ქარხანაში დაღუპული უკრაინელი ჯარისკაცების ცხედრების პატივით დაკრძალვა,"- აცხადებს პროკოპენკო.

შეგახსენებთ, რომ ბრიტანეთის დაზვერვის შეფასებით, მარიუპოლში სავარაუდოდ აზოვსტალის 1700-მდე დამცველი რუსულ ჯარებს ჩაბარდა.  ომის შესწავლის ამერიკული ინსტიტუტის ანალიტიკოსებმა განაცხადეს, რომ რუსეთი დათანხმდა აზოვსტალის დამცველების ევაკუაციას, რათა რაც შეიძლება მალე გამოეცხადებინა სრული კონტროლი მარიუპოლზე.უკრაინულმა მხარემ დაადასტურა აზოვსტალიდან 260 მებრძოლის გასვლა, რომლებსაც სამედიცინო დახმარება სჭირდებოდათ. თუმცა პროცესის შესახებ დეტალური ინფორმაცია არ არსებობს, კიევი ამას იმით ხსნის, რომ მტერთან მოლაპარაკების პროცესი გრძელდება და მონაცემების გამჟღავნება მარიუპოლის დამცველებს  შესაძლოა სიცოცხლის ფასად დაუჯდეთ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს