ვერავინ იფიქრებს, რომ რუსეთი სხვა ქვეყნებსაც არ დაესხმება თავს, უკრაინაში საერთაშორისო სამართლის დარღვევის გამო,- ამის შესახებ გერმანიის კანცლერმა ოლაფ შოლცმა განაცხადა.

შოლცის თქმით, რუსეთის შეჭრამ უკრაინაში მეორე მსოფლიო ომიდან მოყოლებული  წესრიგი დაარღვია და აიძულა ევროპა გაეძლიერებინა თავისი თავდაცვის სტრატეგია. შესაბამისად გერმანია მზადაა, მხარი დაუჭიროს ფინეთსა და შვედეთს, თუ ისინი გადაწყვეტენ ნატო-ში გაწევრიანებას.

„ვერავინ იფიქრებს, რომ რუსეთის პრეზიდენტი და მთავრობა სხვა შემთხვევებში ძალადობით არ დაარღვევს საერთაშორისო კანონს“, - განაცხადა შოლცმა.

რუსეთის მიერ უკრაინაში შეჭრის შემდეგ, რომელიც მას „სპეციალურ სამხედრო ოპერაციად“ აღწერს, ფინეთი და შვედეთი განიხილავდნენ ნატო-ს დასავლურ სამხედრო ალიანსში გაწევრიანებას, რაც სკანდინავიის რეგიონისთვის მნიშვნელოვან პოლიტიკურ ცვლილებებს გულისხმობს.

მანამდე შვედეთისა და ფინეთის პრემიერ-მინისტრებმა უკვე აღნიშნეს, რომ  16-22 მაისის კვირაში გეგმავენ შეხვედრას და თავიანთი ქვეყნების ნატოში გაწევრიანების სურვილის ოფიციალურად გამოაცხადებას.

გარდა ამისა, ჟურნალ Stern-თან ინტერვიუში, შოლცმა განაცხადა, რომ რუსეთის პრეზიდენტის ვლადიმერ პუტინის პოლიტიკა იმპერიალისტურია, ხოლო მეზობელ ქვეყნებს კი რუსეთის უკანა ეზოდ თვლის.

„მას სურს თავისი ტერიტორიის გაფართოება და საზღვრების ძალადობით გადალახვა,ის სასოწარკვეთილად ცდილობს რუსეთის ძველი მნიშვნელობის აღდგენას სამყაროში,“- დასძინა შოლცმა.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს