აშშ-ის თავდაცვის დეპარტამენტმა განაცხადა, რომ რუსეთმა, ომის დაწყებიდან დღემდე, უკრაინის წინააღმდეგ 1900-ზე მეტი სარაკეტო დარტყმა განახორციელა. ამის შესახებ პენტაგონის ოფიციალურმა წარმომადგენელი გამართულ ბრიფინგზე განაცხადა.

მისივე თქმით, სარაკეტო დარყმები ძირითადად მიმართული იყო ქალაქ მარიუპოლზე და ოკუპირებულ დონბასის ტერიტორიებზე. 

„შეჭრის დაწყებიდან დღემდე განხორციელდა 1900-ზე მეტი რაკეტის გაშვება. რაკეტების უმეტესობა და, გულწრფელად რომ ვთქვათ, უკრაინის წინააღმდეგ თვითმფრინავების დარტყმები კვლავ მარიუპოლზე და გაერთიანებული ძალების ოპერაციის ზონაში, ძირითადად, დონბასში მოდის. " - ამბობს პენტაგონის ოფიციალური წარმომადგენელი. 

მან ასევე აღნიშნა, რომ თითქმის ყველა საჰაერო თავდასხმა ხორციელდება რუსული საჰაერო ბაზებიდან.

”ისინი არ აფრინდებიან და არ დაეშვებიან უკრაინაში. მე ვგულისხმობ, რომ შესაძლოა სამხრეთში ზოგჯერ ახერხებდნენ ამის გაკეთებას, მაგრამ მათი უმეტესობა მოდის რუსეთიდან და შემდეგ ბრუნდება რუსეთის აეროდრომებზე. იგივე ეხება სარაკეტო დარტყმებს. დანადგარები განლაგებულია რუსეთის ტერიტორიაზე“, - განაცხადა ოფიციალურმა წარმომადგენელმა. 

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა