ესტონეთმა უკრაინაში რუსეთის ქმედებები ოფიციალურად აღიარა უკრაინელი ხალხის გენოციდად. შესაბამისი გადაწყვეტილება ქვეყნის პარლამენტმა მიიღო. გადაწყვეტილებას პარლამენტის 86-მა დეპუტატმა დაუჭირა მხარი.

ესტონეთის პარლამენტი (რიიგიკოგუ) აღიარებს რუსეთის შეიარაღებული ძალების და სამხედრო-პოლიტიკური ხელმძღვანელობის საქმიანობას უკრაინელი ხალხის წინააღმდეგ გენოციდად და ამისკენ მოუწოდებს სხვა ქვეყნების პარლამენტებსა და საერთაშორისო ორგანიზაციებს.

„რუსეთის ფედერაციამ, ჩაიდინა მასობრივი დანაშაული მშვიდობიანი მოსახლეობის მიმართ დროებით ოკუპირებულ ტერიტორიებზე, კერძოდ ქალაქ ბუჩაში, ბოროდიანკაში, გოსტომელში, ირპენსა და მარიუპოლში, ისევე როგორც უკრაინის ბევრ სხვა დასახლებაში. მკვლელობები, გატაცებები, გადასახლებები, პატიმრობა და გვამების შეურაცხყოფა,“ - ნათქვამია განცხადებაში.

რიიგიკოგუ ასევე მოუწოდებს მხარი დაუჭიროს რუსული დანაშაულების გამოძიებას და დამნაშავეთა დევნას და ამ მიზნით შექმნას საერთაშორისო სასამართლო სახელმწიფოებთან თანამშრომლობით, გააძლიერონ სანქციები რუსეთის წინააღმდეგ, მათ შორის, შეაჩერონ ენერგო ვაჭრობა, ასევე დაუყოვნებლივ გაზარდონ უკრაინის სამხედრო და კრიტიკული ჰუმანიტარული დახმარება.

შეგახსენებთ, რომ ესტონეთში მესაზღვრეებმა აქტიურად დაიწყეს უკრაინის წინააღმდეგ რუსეთის ომის მხარდამჭერი სიმბოლოების გამოყენება ქვეყნის აღმოსავლეთ საზღვარზე.

ავტორი: ექსპრესნიუსი,

სოციალური ქსელები

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო

პირველი ქართული YouTube ბიზნესშოუ - Punchline Profit მეორე ეპიზოდით გრძელდება

FT: ჰორმუზის სრუტეში ნაოსნობის აღდგენას ნაღმების გამო თვეები დასჭირდება