ჩრდილოეთ ერაყში, ერბილის აეროპორტში, სადაც აშშ-ს ძალებია განთავსებული, დრონებით თავდასხმა განხორციელდა. ინფორმაციას ამის შესახებ Reuters ავრცელებს.

ქურთისტანის რეგიონის უსაფრთხოების ძალების თქმით, აეროპორტის მიმართულებით დრონებმა სამი რაკეტა ისროლეს. ქურთების კონტრტერორისტული ძალების ინფორმაციით კი, თავდასხმა თვითფეთქებადი დრონების მეშვეობით მოხდა. 

არ არის ინფორმაცია დაშავებულთა შესახებ. მოწმეების თქმით, მათ ექვსი აფეთქების ხმა გაიგეს. 

ერბილის აეროპორტში აშშ-ისა და საერთაშორისო კოალიციის ძალებია განთავსებული, რომლებიც „ისლამური სახელმწიფოს“ წინააღმდეგ ბრძოლაში ეხმარებიან ერაყის შეიარაღებულ ძალებს.

ერბილის აეროპორტზე თავდასხმები ხშირად ხორციელდება, რომლებშიც აშშ ირანის მიერ მხარდაჭერილ შიიტურ დაჯგუფებებს ადანაშაულებს.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა