2020-12-28 09:33:15, 777 ნახვა
მსოფლიო
დონალდ ტრამპმა 2021 წლის საბიუჯეტო კანონპროექტს ხელი მოაწერა
დონალდ ტრამპმა კორონავირუსის შემსუბუქებისა და 2021 წლის საბიუჯეტო კანონპროექტს ხელი მოაწერა, - ამის შესახებ ინფორმაციას „ბიბისი“ ავრცელებს.
გამოცემის ცნობით, თავდაპირველად ტრამპი უარს ამბობდა კანონპროექტის ხელმოწერაზე და აცხადებდა, რომ ხალხისთვის უფრო მეტი თანხა გადაეხადათ. მილიონობით ამერიკელმა დროებით უმუშევრებისთვის გათვალისწინებული შეღავათები დაკარგა.
თვეების განმავლობაში მიმდინარე მოლაპარაკებების შემდეგ, დამტკიცებულია 900 მილიარდი დოლარის ღირებულების პაკეტი. ესაა 2,3 ტრილიონი დოლარის ხარჯვითი პაკეტის ნაწილი, რომელიც 1, 4 ტრილიონი დოლარის ოდენობის ფედერალური მთავრობის ხარჯებს მოიცავს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
