პარტია „ნაციონალური მოძრაობის“ წევრის, ხატია დეკანოიძის განცხადებით, ოპოზიციას კომპრომისისთვის ძალიან ვიწრო სივრცე აქვს.

მისი თქმით, ხელისუფლებამ უნდა მოიტანოს შემხვედრი წინადადებები, რათა მოხდეს პოლიტიკური კრიზის განმუხტვა.

„ჩვენი სტრატეგიული პარტნიორები მაინც ელოდებოდნენ იმას, რომ „ქართული ოცნება“ მოიტანდა რაღაც შემხვედრ წინადადებებს. თუ „ქართული ოცნება“ ფიქრობს იმას, რომ ერთპარტიული და არალეგიტიმური პარლამენტი იქნება ის, რაც აირჩია საქართველოს მოსახლეობამ, ძალიან ცდება. ჩვენ ველოდებით „ქართულ ოცნებას“, რომლის პასუხისმგებლობა არის ის, რომ რაც შეიძლება მალე მოიტანონ ის შემხვედრი წინადადებები, რომელიც აუცილებელია პოლიტიკური კრიზისის განმუხტისთვის. ჩვენ კომპრომისისთვის ძალიან ვიწრო სივრცე გვაქვს, ჩვენს უკან არიან საქართველოს მოქალაქეები და ჩვენი ამომრჩეველი, ვისაც წაართვეს არჩევანი 31 ოქტომბერს. შესაბამისად, ჩვენი კომპრომისი იყო ზუსტად ის, რომ ჩვენ ველოდებით მათ წინადადებებს“,  - განაცხადა ხატია დეკანოიძემ.

შეგახსნებთ, რომ ოპოზიციური პარტიებისა და ხელისუფლების წარმომადგენლებს შორის პოლიტიკური მოლაპარაკებების ორი რაუნდი გაიმართა.

ავტორი: ექსპრესნიუსი,

სოციალური ქსელები

ეკლესიის, ისტორიული გმირების დასაცავად ამჯერად ახალი საინიციატივო ჯგუფი ყალიბდება

აზიის განვითარების ბანკმა თბილისის შემოვლითი გზის მშენებლობისთვის 250 მილიონი დოლარი დაამტკიცა

ზურაბიშვილი: „ქართული ღირებულებების დაცვის“ ორგანიზაციის მიზანი ესკალაციის პროვოცირებაა

TasteAtlas-მა 100 საუკეთესოს რეიტინგში ორი ქართული კერძი შეიყვანა