2020-05-11 11:35:12, 1350 ნახვა

---

თალაკვაძე - რურუას, ოქრუაშვილისა და უგულავას გათავისუფლება ვერ გახდებოდა პოლიტიკური მოლაპარაკებისა და შეთანხმების საგანი

პარლამენტის თავმჯდომარის, არჩილ თალაკვაძის განცხადებით, უგულავას, ოქრუაშვილისა და რურუას საკითხი ოპოზიციის ნაწილის მხრიდან ოთხივე მოლაპარაკების დროს გაჟღერდა.

მისი თქმით, ოთხივე მოლაპარაკების დროს მათ მიიღეს პასუხი, რომ აღნიშნული პატიმრების გათავისუფლება ვერავითარი ფორმით ვერ გახდებოდა პოლიტიკური მოლაპარაკებისა და შეთანხმების საგანი.

„მიუხედავად იმისა, რომ უგულავას, ოქრუაშვილისა და რურუას საკითხი ოპოზიციის ნაწილის მხრიდან ოთხივე მოლაპარაკების დროს გაჟღერდა ოთხივე  შემთხვევაში მათ მიიღეს მკაფიო პასუხი „ქართული ოცნების“ წარმომადგენლების მხრიდან, რომ აღნიშნული პატიმრების გათავისუფლება ვერავითარი ფორმით ვერ გახდებოდა პოლიტიკური მოლაპარაკებისა და შეთანხმების საგანი.

შეთანხმების ხელმოწერიდან სამი დღით ადრე, ოპოზიციური პარტიების მხრიდან ბატონებმა უგულავამ და რურუამ გააკეთეს ერთი  და იგივე შინაარსის განცხადებები. კერძოდ, ორივე მათგანმა მკაფიოდ განაცხადა, რომ მათი გათავისუფლების საკითხს პრობლემა არ უნდა შეექმნა მაქსიმალური პროპორციული საარჩევნო სისტემის შემოღებისთვის“, - განაცხადა არჩილ თალაკვაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი