„ჩვენ თუ რაღაცა არ ვიღონეთ და ვიარეთ ამ ერთ ჯადოსნურ წრეზე და ვტკეპნეთ ერთი და იგივე ადგილი, ჩვენი ქვეყანა ვერ მიდის წინ. ამ სამი წლის თავზე, რაც ჩემი საპრეზიდენტო მანდატი გავიდა, ეს არის ჩემი დასკვნა“, - ამის შესახებ საქართველოს პრეზიდენტმა, სალომე ზურაბიშვილმა მედიის წარმომადგენლებთან შეხვედრის შესახებ განაცხადა.

პრეზიდენტის თქმით, მის მიერ ინიცირებული პროცესი არ არის პოლიტიკური პარტიების შერიგება, არამედ იგი საზოგადოებივი პროცესია, რომელშიც ყველა უნდა ჩაერთოს.

„საზოგადოება დაიღალა, გადაიღალა. ორი თემაა რეალურად საზოგადოებაში, რა გვეშველება, არის ერთი თემა და როგორ და რამ უნდა გვეშველოს. და მემგონი, რომ ჩვენ თუ რაღაცა არ ვიღონეთ და ვიარეთ ამ ერთ ჯადოსნურ წრეზე და ვტკეპნეთ ერთი და იგივე ადგილი, ჩვენი ქვეყანა ვერ მიდის წინ და ეს არის ჩემი დასკვნა, ამ სამი წლის თავზე, რაც ჩემი საპრეზიდენტო მანდატი გავიდა. კიდევ სამი წელი რჩება და მე ვთვლი, რომ წარმოვადგენ ამ საზოგადოების განცდას, ჩემში რაც არის, რომ ეს დაპირისპირება, რომელიც გროვდება ჩვენს ქვეყანაში, რაღაცნაირად უნდა გადავიდეს საქმიან ურთიერთობაში. ეს არ იქნება რაღაცა ჯადოსნური ერთიანობა, რომელიც ერთ დღეში შეიქმნება. ეს არ არის რაღაც პოლიტიკური პარტიების შერიგება. ეს იქნება ჩემ მიერ ინიცირებული, საზოგადოებრივი პროცესი, რომელშიც ყველა უნდა იყოს ჩართული...“, - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება