„ევროპული საქართველოს“ გეგმა არ უკავშირდება ვინმეს ჩამოსვლას, ეს არის გეგმა, რომელიც გარდამტეხ ცვლილებებს მოიტანს“ , - ამის შესახებ პარტია „ევროპული საქართველოს“ ერთ-ერთმა ლიდერმა, გიგა ბოკერიამ განაცხადა.

მან ასევე ისიც  აღნიშნა, რომ მათი გეგმა სრულად განსხვავდება „ენმ“-სა და „ქართული ოცნების“ სამოქმედო გეგმისგან.

„ჩვენი, ევროპული საქართველოს გეგმა უკავშირდება არა ვინმეს ჩამოსვლას, ან არჩამოსვლას, ან მუქარას, არამედ ამ ქვეყნის მომავალს მთლიანად, გარდამტეხ ცვლილებებს, რომელიც გვჭირდება და სწორ გზაზე დადგომას სწორი კომპასით, რომ ადამიანების ცხოვრება გაუმჯობესდეს ყველა მიმართულებით და ეს პოლიტიკური მარაზმი, რომელიც ივანიშვილმა შექმნა - დასრულდეს.

დევნა ყველასი უნდა დასრულდეს, მაგრამ ჩვენი გეგმები არ არის დაკავშირებული ერთ კაცთან და ვინმეს დაბრუნებასთან. მთელი ქვეყნის მომავალთან არის დაკავშირებული. როგორც ჩანს, ამ კაცს, ნაციონალურ მოძრაობას უნდა 2012 წლამდე ვითარების დაბრუნება და ივანიშვილს სურს დღევანდელი სიტუაციის შენარჩუნება, სადაც უკიდეგანო ძალაუფლება აქვს და ხალხი ფეხებზე ჰკიდია.

ევროპული საქართველოს ამოცანაა, რომ ეს ყველაფერი წარსულს ჩაბარდეს და ადამიანებს ჰქონდეთ შესაძლებლობა, რომ საკუთარ მომავალზე იზრუნონ თვითონ” , - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება