ბექა ბასილაია: პოლიციელები ძალადობის ფაქტებზე ხშირად არ რეაგირებენ, თუ მსხვერპლი ოპოზიციის მხარდამჭერია

2019-12-05 13:37:57, 1222 ნახვა

საზოგადოება

„პოლიციელები ძალადობის ფაქტებზე ხშირად არ რეაგირებენ, თუ მსხვერპლი ოპოზიციის მხარდამჭერია“, - ამის შესახებ ადვოკატმა ბექა ბასილაიამ განაცხადა.

მისი თქმით, იურისტთა ჯგუფი საჯარო მოხელეთა მხრიდან უფლებამოსილების გადამეტების ფაქტზე მუშაობას იწყებს.

„ჩვენ გვაქვს პოლიციის მხრიდან სამწუხაროდ, დანაშაულებრივი უმოქმედობის ფაქტები, როდესაც ისინი არიან ძალადობის უშუალო შემსწრეები, მაგრამ ამაზე არ რეაგირებენ, რადგან დანაშაულის და ძალადობის მსხვერპლი არიან ხელისუფლების პოლიტიკური ოპონენტები, მოქალაქეები, რომლებიც ოპოზიციურად არიან განწყობილნი. ყველა ეს ქმედება არის ცალსახად დანაშაული, რიგ შემთხვევაში - უფლებამოსილების გადამეტება, რიგ შემთხვევაში კიდევ უფრო მძიმე დანაშაულები. ჩვენი იურიდიული ჯგუფი იწყებს მუშაობას იმ საჯარო მოხელეთა მხრიდან უფლებამოსილებების გადამეტების ფაქტებზე, ვინც უშუალოდ ჩართული არიან პოლიტიკურ პროცესებში ძალადობრივი გზით“, - განაცხადა ბექა ბასილაიამ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,