საპროტესტო აქციის მონაწილეებმა ჭიჭინაძის ქუჩაზე, პარლამენტის შესასვლელთნ პუფები მიიტანეს.

როგორც „ევროპული საქართველოს“ ლიდერმა გიორგი ვაშაძემ აღნიშნა, ადგილზე ეკრანი განთავსდება და აქციის პარალელურად, მოქალაქეები პრეზენტაციებს და დისკუსიებს გამართავენ.

ამასთან, სოციალურ ქსელში მოძრაობამ „ქვეყნის სამსახურში“ ფოტო გამოაქვეყნა, სადაც ჩანს, რომ აქციის ერთ-ერთმა მონაწილემ პარლამენტთან შეშა ზურგჩანთით მიიტანა.

„პოლიცია იქცევა სამარცხვინოდ, დააკავეს და საჯარიმოზე გადაიყვანეს ყველა მანქანა რომელშიც შეშა გვაქვს ამ ღამის თბილად გასატარებლად. ამასობაში სანამ ჩვენ პოლიციას დავდევთ, ამასობაში მოქალაქე მოვიდა და ჩანთით მოგვიტანა იმდენი შეშა, რამდენის ზიდვაც შეძლო“, - აცხადებენ აქციის ორგანიზატორები.

გარდა ამისა, მას შემდეგ, რაც პოლიციამ ოპოზიციური პარტიების წარმომადგენლებს აქციის მონაწილეებისთვის განკუთვნილი კასრები და შეშა ჩამოართვა, აქციის მონაწილეებმა პარლამენტთან კასრების ხელით მიტანა დაიწყეს, თუმცა სამართალდამცველებმა არც ამის საშუალება მისცეს და ჩამოართვეს. როგორც პოლიციის წარმომადგენელმა განმარტა, კასრებით ქუჩების ჩახერგვაა შესაძლებელი, ამიტომ პრევენციის მიზნით, აქციის მონაწილეებს დროებით ჩამოერთვათ.

რაც შეეხება კარვებს, აქციის მონაწილეებმა ამ დროისთვის 1 კარვის გაშლა შეძლეს ჩიტაძის ქუჩაზე, პარლამენტის შესასვლელთან. ასევე რამდენიმე კარავია გაშლილი რუსთაველის გამზირზე.

შეგახსენებთ, პარლამენტთან ვადამდელი პროპორციული არჩევნების მოთხოვნით, აქცია „ერთად ერთის წინააღმდეგ“ მიმდინარეობს. აქციის ორგანიზატორები აცხადებენ, რომ დღეს ღამის განმავლობაში პარლამენტის სრულ პიკეტირებას მოახდენენ, რათა ხვალ, მმართველი გუნდის დეპუტატებმა პლენარული სხდომა ვერ ჩაატარონ.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა