„ქართული ოცნების“ ოფისთან ვითარება ამ დრომდე დაძაბულია.

საპროტესტო აქციის მონაწილეებმა შენობის პიკეტირება რამდენჯერმე სცადეს, თუმცა პოლიცია მათ ამის საშუალებას არ აძლევს.

სამართალდამცველებთან დაპირისპირებისას დაშავდა აქციის ერთ-ერთი მონაწილე. მას დაზიანება ფეხის არეში აქვს მიყენებული.

„იმის მაგივრად, რომ მოქალაქეები დაიცვან, აქეთ გვირტყავენ“, - განაცხადა დაშავებულმა.

მას სასწრაფოს ექიმები უწევენ დახმარებას.

გარდა ამისა, „ევროპული საქართველოს“ ერთ-ერთმა ლიდერმა, ელენე ხოშტარიამ განაცხადა, რომ პოლიციასთან დაპირისპირებისას ერთ-ერთმა ოპერატორმა ხელი მოიტეხა.

შეგახსენებთ, დილიდან „ქართული ოცნების“ ოფისში საპარლამენტო უმრავლესობის სხდომა მიმდინარეობს. სხდომის პარალელურად შენობასთან საპროტესტო აქცია იმართება. აქციის მონაწილეებმა ოფისში მისულ მმართველი გუნდის წევრებს „მონები“ უწოდეს. ისინი აცხადებენ, რომ სანამ გარდამავალი მთავრობის მიერ პროპორციული არჩევნები არ ჩატარდება, პროტესტს არ შეწყვეტენ.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა