„თუ პრეზიდენტმა ისევ „დაფრანგულობის“ გზა აირჩია და თავი შეიკავა წმინდა სინოდისა და პატრიარქის მიმართვის დაკმაყოფილებისგან, გამოდის, რომ ეს დადგმული სცენარია“, - ამის შესახებ ჭყონდიდის ეპარქიის ყოფილმა მიტროპოლიტმა მეუფე პეტრემ დეკანოზ გიორგი მამალაძის შეწყალებაზე საუბრისას განაცხადა.

მან ზურაბიშვილს მოუწოდა, პატივი სცეს სინოდის გადაწყვეტილებას და შეწყალებასთან დაკავშირებით, შუამდგომლობა დააკმაყოფილოს.

„მიმაჩნია, რომ თუ პრეზიდენტმა ისევ „დაფრანგულობის“ გზა აირჩია და თავი შეიკავა წმინდა სინოდისა და პატრიარქის მიმართვის დაკმაყოფილებისგან, მაშინ როდესაც ის ამბობდა, რომ შეურაცმყოფელია და გმობს პატრიარქის ამას გმობს პატრიარქის შეურაცხყოფას ანუ ამით კიდევ ერთხელ დადასტურდება მისი საქციელი უკვე „დაფრანგულობის“ ფორმატში გამოდის, რომ ეს არის დადგმული სცენარი, წინასწარ შეთანხმებული გეგმა, რომ საპატრიარქომ მოიხსნას პასუხისმგებლობა მორალური, უშუამდგომლოს, მაგრამ პრეზიდენტმა თქვას უარი“, - აღნიშნა მეუფე პეტრემ.

ჭყონდიდის ყოფილი მეტროპოლიტი ასევე თვლის, რომ საპატრიარქომ დეკანოზის სასჯელის გადავადების მიზნით იუსტიციის სამინისტროს უნდა მიმართოს.

„არსებობს ალტერნატივა, საპატრიარქომ სასწრაფოდ უნდა მიწეროს წერილი იუსტიციის მინიტრს, ვინაიდან შუამდგომლობის მიზეზი იყო ჯანმრთელობის გაუარესება. არსებობს კანონი, რომლის თანახდმადაც ხდება პატიმრის სასჯელის გადავადება მკურნალობის მიზნით ანუ პატიმარს ათავისუფლებენ ციხიდან სამკურნალოდ, შემდეგ იგი ისევ უბრუნდება სასჯელაღსრულების დაწესებულებას. აი ამ პუნქტით შესაძლებელია, რომ თუ პრეზიდენტი გახდება არაადეკვატური, იუსტიციის სამინისტრომ მიიღოს ეს გადაწყვეტილება და დააკმაყოფილოს საპატრიარქოს თხოვნა“, - განაცხადა მეუფე პეტრემ.

ლიკა ბესელია

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა