ბოდბელი ეპისკოპოსი, მეუფე იაკობ იაკობაშვილი საპატრიარქოში მივიდა. როგორც მეუფე იაკობმა ჟურნალისტებს განუცხადა, მის მიერ რამდენიმე დღის წინ გაკეთებული კომენტარი სიმართლეა და ის სიტყვების უკან წაღებას არ აპირებს. 

მან კიდევ ერთხელ აღნიშნა, რომ მაშინდელი პრემიერ-მინისტრის გიორგი კვირიკასვილის გაბინეტში შედგა შეხვედრა, რომელსაც სუს-ის ყოფილი უფროსი ვახტანგ გომელაური და შს მინისტრი გიორგი გახარია ესწრებოდნენ. მეუფე იაკობმა დასძინა, რომ ყველაფერი პატრიარქს თავად აცნობა და ილია მეორემ მათ ღირსეული პასუხი შეუთვალა. 

"როგორც ეპისკოპოსს პოლიტიკოსებთან შეხვედრა გვიწევს ხოლმე,  როგორც მონაზონი ვარ თავისუფალი ადამიანი, რადგან გულში, რაც მქონდა ის ვთქვი. ჩემი სიტყვები უკან არ მიმაქვს. სამი ადამიანი შემხვდა მე, მეოთხე არ შემხვედრია. ეს იყო პრემიერის კაბინეტში. თვითონ ბატონი გიორგი ბრძანდებოდა, ასევე ვახტანგ გომელაური და შს მინისტრი გიორგი გახარია. უხერხულად გრძნობდნენ თავს, როცა მელაპარაკებოდნენ. ბატონ გიორგისაც (იგულისხმება კვირიკაშვილი) შევამჩნიე ეგ და გომელაურსაც. უწმინდესზე რაც მითხრეს, 10 დღის შემდეგ მაინც ვუთხარი უწმინდესს და პასუხიც ღირსეული შევუთვალეთ. პრემიერთან ლიკვიდაციაზე საუბარი არ იყო, არამედ იმაზე, რომ შეეცვალათ", - განაცხადა მეუფე იაკობმა.  

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ირაკლი კირცხალია - გარე ინტერესებს არაერთი ადამიანი ემსახურება, ამის მაგალითია იმ ე.წ. კულტურის მოღვაწეების სია, მათ შორის არიან სუხიშვილები, ნიკოლოზ რაჭველი და პაატა ბურჭულაძე

სამართალდამცველებმა ქურდობის ბრალდებით უცხო ქვეყნის ორი მოქალაქე დააკავეს

2014 წელთან შედარებით, 2024 წელს ეკონომიკურად აქტიური მოსახლეობის წილი 63.7%-დან 55.6%-მდე შემცირდა- სოციალური სამართლიანობის ცენტრი

დრონებმა თათრეთის ერთ-ერთ უდიდეს ნავთობქიმიურ ქარხანას თავს დაესხნენ, 12 ადამიანი დაიღუპა და 39 დაშავდა.