ტემპერატურის კლებასთან ერთად, აქტუალური გახდა ბუნებრივ აირზე მომუშავე  გათბობის სისტემების სწორად გამოყენება და მონტაჟი. სამწუხაროდ, ყოველ სეზონზე გაუმართავი სისტემების და არასწორი მონტაჟის გამო, ხშირია უბედური შემთხვევები, რომლებიც ხშირად ფატალურადაც სრულდება. აუცილებელია, ყველა სისტემის სწორად, პროფესიონალების მიერ დაყენება და შემდგომში მათი სწორად მოვლა. მნიშვნელოვანია გაითვალისწინოთ, რომ ხელოსანზე და თვითონ გათბობის პროდუქტზე ეკონომიის გაკეთება, შესაძლოა, თქვენთვისაც და თქვენი მეზობლისთვისაც ტრაგიკულად დასრულდეს.

რჩევებისათვის ჰიპერმარკეტების ქსელ „გორგიას“ სპეციალისტს მივმართეთ. მისი განმარტებით, გაუმართავი გაზის ხელსაწყოებისა და არასტანდარტული საკვამლე და სავენტილაციო არხების გამოყენებისას შესაძლებელია, სათავსოში მომწამლავი გაზის, CO-ს გამოყოფა. იგი უფერო, უსუნო, უგემო, ძლიერ მომწამლავია. გარემოში CO-ს 0.5%  შემცველობა 20-30 წთ-ში ახდენს ადამიანზე სასიკვდილო ზემოქმედებას, ხოლო 1% შესუნთქვისას 1-2 წთ-ში იწვევს სიკვდილს.  ხოლო სათავსოში გაზის 5-15%  დაგროვებისას წარმოიქმნება ფეთქებადსაშიში ნარევი.

უსაფრთხოების სტანდარტების  დარღვევა  საფრთხეს უქმნის არა მხოლოდ მას, ვინც იყენებს ამ  დანადგარს, არამედ საშიშია მისი გარემოცვისთვის - გაზის აფეთქების შედეგად შეიძლება დაზიანდეს მთლიანი შენობა.

აუცილებლად გასათვალისწინებელი ფაქტორები:

•  ნებისმიერი მოწყობილობა, რომელიც მოიხმარს გაზს, აუცილებლად უნდა დაამონტაჟოს კვალიფიციურმა ხელოსანმა;
•  ნებისმიერი დახურული სივრცე, სადაც უნდა დამონტაჟდეს გაზის აპარატი, აუცილებლად უნდა ნიავდებოდეს, ანუ უნდა ჰქონდეს სარკმელი, საიდანაც შემოვა სუფთა ჰაერი;
• გაზის დაერთება უნდა მოხდეს მეტალოპლასტმასის გაზის მილით, რომელიც არის ღია ადგილებზე სპეციალური იზოლაციით დაცული, ხოლო თუ ხდება სილიკონის მილით დაერთება, მილი უნდა იყოს ერთიანი, გადაბმების გარეში, წელიწადში ერთხელ უნდა შეიცვალოს მთლიანი მილი და დაერთების წერტილები აუცილებლად უნდა დაფიქსირდეს მეტალის ცალუღით;
• გაზის  გამათბობელი  და წყალგამაცხებელი აპარატების დამონტაჟებამდე აუცილებლად შეამოწმეთ მათი სავენტილაციო და საკვამლე მილი,  რომ აუცილებლად არის ღია და მასში მოხდება ცივი და ცხელი ჰაერის შეუფერხებელი მოძრაობა;
•  გამათბობლის ან წყალგამაცხელებლის ჩართვამდე, თუ მისი ბოლო ჩართვიდან  მინიმუმ, 1 თვეა გასული, აუცილებლად შეამოწმეთ მისი სავენტილაციო და საკვამლე მილი, რათა ცივ და ცხელ ჰაერს არ ჰქონდეს შეფერხება (ხშირია ჩიტის ბუდეები ან პოლიეთილენის პარკით გამოწვეული ჰაერის შეფერხება, რაც ფატალურ შედეგს იწვევს);
• შენობაში გაზის სუნის შემჩნევისას შეწყვიტეთ გაზის მოხმარება, გადაკეტეთ გაზის ონკანები, გამოაღეთ კარ-ფანჯრები, გაანიავეთ სათავსო. არ იხმაროთ ღია ცეცხლი, ელექტროხელსაწყოები და არ ჩართოთ ან არ გამორთოთ შუქი. დაუკავშირდით შესაბამის გაზის მომწოდებელ კომპანიას;
•  გაზის მოწოდების შეწყვეტის შემთხვევაში აუცილებლად უნდა მოხდეს შემოწმება გადაკეტილია თუ არა ონკანები: გაზის მრიცხველთან, გაზქურასთან, წყალგამაცხელებელთან და გამათბობელ ხელსაწყოებთან;
• გაზის ხელსაწყოებით სარგებლობის დროს ხშირად გაანიავეთ სათავსო;
• გაზზე მომუშავე ყველა სახეობის გამათბობელი და წყალგამაცხელებელი მოწყობილობის მონტაჟი და ექსპლუატაცია (გარდა გაზქურის), რომელთა გამოყენებისას წვისათვის საჭირო ჰაერი აიღებს ოთახიდან და ნამწვის  გაწოვა არ ხდება კვამლსადენების მეშვეობით, აკრძალულია, ნებისმიერ მოწყობილობას აუცილებლად უნდა ჰქონდეს ორი კამერა, რაც ნიშნავს, რომ სავენტილაციოდ უნდა ჰქონდეს დამატებითი არხი და არანაირი შეხება არ უნდა ჰქონდეს წვის პროცესს ოთახის ჟანგბადთან;
• ნებისმიერ სივრცეში, სადაც  დამონტაჟებულია გაზზე მომუშავე აპარატი , ან ამ ოთახში არის გაზის გაყვანილობა, აუცილებლად უნდა მოხდეს გაზის დეტექტორის დამონტაჟება, რომელიც უნდა იყოს დაერთებული გაზის სარქველზე. სარქველი გაზის გაჟონვის შემთხვევში მიიღებს დეტექტორიდან სიგნალს და მოხდება გაზის მიწოდების შეწყვეტა;
• თუკი გაზის წყლის გამაცხელებელი მონტაჟდება შენობაში, აუცილებლად უნდა იყოს ორ კამერიანი და მისი კორპუსი უნდა იყოს სრულად შეკრული, რათა მის შიდა გაყვანილობას ოთახის ჟანგბადთან არ ჰქონდეს არანაირი შეხება;
• პასუხისმგებლობა საცხოვრებელ სახლებში გაზის საყოფაცხოვრებო ხელსაწყოების ექსპლუატაციაზე ეკისრებათ მომხმარებლებს, ამიტომ გაუფრთხილდით საკუთარ და სხვების სიცოცხლეს.

„გორგიაში“ შეძლებთ შეიძინოთ ყველა სახის გათბობის სისტემა საუკეთესო ფასად, ასევე გაზის ინდიკატორები უსაფრთხოებისთვის. აქვე სპეციალისტებისგან პროფესიონალურ რჩევას მიიღებთ. ნუ გააკეთებთ ეკონომიას თქვენს და გარშემომყოფების ჯანმრთელობაზე.

დეტალური ინფორმაციისათვის უყურეთ ვიდეოს.

(R)

ავტორი: ექსპრესნიუსი,

სოციალური ქსელები

ირაკლი კირცხალია - გარე ინტერესებს არაერთი ადამიანი ემსახურება, ამის მაგალითია იმ ე.წ. კულტურის მოღვაწეების სია, მათ შორის არიან სუხიშვილები, ნიკოლოზ რაჭველი და პაატა ბურჭულაძე

სამართალდამცველებმა ქურდობის ბრალდებით უცხო ქვეყნის ორი მოქალაქე დააკავეს

2014 წელთან შედარებით, 2024 წელს ეკონომიკურად აქტიური მოსახლეობის წილი 63.7%-დან 55.6%-მდე შემცირდა- სოციალური სამართლიანობის ცენტრი

დრონებმა თათრეთის ერთ-ერთ უდიდეს ნავთობქიმიურ ქარხანას თავს დაესხნენ, 12 ადამიანი დაიღუპა და 39 დაშავდა.