იუსტიციის უმაღლეს საბჭოში უზენაესი სასამართლოს მოსამართლეობის კანდიდატებთან გასაუბრება დაძაბულ ვითარებაში მიმდინარეობს, - ამის შესახებ საბჭოს არამოსამართლე წევრმა ნაზი ჯანეზაშსვილმა განაცხადა. 

გასაუბრების დროს ნაზი ჯანეზაშვილი დაინტერესდა რა დამოკიდებულება აქვს უზენაესი სასამართლოს მოსამართლეობის კანდიდატს, მერაბ ლომიძეს, რომელიც ამავდროულად თბილისის სააპელაციო სასამართლოს მოსამართლეა, სასამართლოს თავმჯდომარე მიხეილ ჩინჩალაძესთან. ჯანეზაშვილის კითხვებმა საბჭოს სხვა წევრებში უკმაყოფილება გამოიწვია. 

„ის იყო მიხეილ ჩინჩალაძის თანაშემწე. ცხადია, ამასთან მიმართებით კითხვები დავსვი. მაინტესებდა, რა გავლენა მოახდინა მის კარიერაზე მიხეილ ჩინჩალაძემ, თუნდაც დაეხმარა თუ არა რეკომენდაციით, როდესაც მოსამართლე გახდა. თუმცა, ამაზე ძალიან ზოგადი პასუხები მივიღე. ასევე, ძალიან ზოგადი პასუხები მივიღე უამრავ თემასთან დაკავშირებით. აქედან გამომდინარე, მე დამაზუსტებელ კითხვებს ვსვამდი. როგორც ჩანს საბჭოს წევრებისთვის ეს სხვა ასოციაციებს იწვევს, ჩემთვის გაუგებარია, რატომ", - განაცხადა ჯანეზაშვილმა.

ამ დროისთვის, საბჭოზე კიდივ ერთ კანდიდატთან გენადი მაკარაძესთან გასაუბრება მიმდინარეობს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა