„არც ჩემი და არც დათო დვალის უკან არანაირი ხალხი არ დგას, არანაირი დაჯგუფება და პარტია, რაც ყველაზე მთავარია არანაირი პოლიტკური ძალა არ დგას“, - ამის შესახებ „რუსთავი 2“-ის ერთ-ერთმა დამფუძნებელმა ჯარჯი აქიმიძემ პარლამენტში დამოუკიდებელ დეპუტატებთან შეხვედრის დროს განაცხადა.

როგორც მან ტელეკომპანიის ჟურნალისტებს მიმართა, არხის დამოუკიდებლობის გარანტებ თავად და დავით დვალი არიან.

„მივმართავ „რუსთავი 2“-ის ჟურნალისტებს, თქვენი გარანტი ალბათ არის ის 10 წელი, როდესაც ჩვენ ვიყავით ტელევიზიაში და სადაც მართლა ამბრაზურასავით იყო გადაფარებული ტელეკომპანიას თითოეული ჩვენგანი გადაფარებული. ყველა დარტყმას ღებულობდა ეს ხალხი, რომელსაც დამფუძნებლები ერქვათ. არც ჩემი და არც დათო დვალის უკან არანაირი ხალხი არ დგას, არანაირი დაჯგუფება და პარტია, რაც ყველაზე მთავარია არანაირი პოლიტკური ძალა არ დგას. ჩვენ ვართ თავისუფლები ყველანაირი მოვალეობებისაგან და ჩვენი გაკეთებული იყო ის ტელევიზია. შესაბამისად, ჩვენ გვინდა დავბრუნდეთ ტელევიზიაში და შესაბამისად, გავაგრძელოთ იგივე გზა, როგორსაც აკეთებდა და რასაც აკეთებდა „რუსთავი 2“.  ღრმად ვართ დარწმუნებული, რომ ამ საზოგადოებამ და ამ ქვეყანამ ბოლოს და ბოლოს დაიმსახურა თავისუფალი ტელევიზია. თუ „რუსთავი 2“ იქნება თავისუფალი, აუცილებლად დაანარჩენგანაც იქნება დემოკრატია და თავისუფალი გარემო. საკმარისია, რომ ჩვენ ჩავდგეთ კონკურენციის და არა მტრობის რეჟიმში, ჩვენ დავემსგავსებით ნორმალურ საზოგადებას“, - აღნიშნა ჯარჯი აქიმიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა