შინაგან საქმეთა სამინისტრო ილია ჭავჭავაძის გამზირზე მიმდინარე საავტომობილო გზის სარეაბილიტაციო სამუშაოებთან დაკავშირებით განცხადებას ავრცელებს.

უწყების ცნობით, თბილისში, ილია ჭავჭავაძის გამზირზე მიმდინარე საავტომობილო გზის სარეაბილიტაციო სამუშაოებთან დაკავშირებით, მიმდინარე წლის 25 ივლისს, 24:00 საათიდან ილია ჭავჭავაძის გამზირისა და დიდიმ მირცხულავას ქუჩის კვეთიდან ილია ჭავჭავაძის გამზირისა და ოთარ თაქთაქიშვილის ქუჩის კვეთამდე ავტომანქანების მოძრაობა აიკრძალება.

„აღნიშნულიდან გამომდინარე, ავტოტრანსპორტი იმოძრავებს შემდეგი მიმართულებებით:

- ზაქარია ფალიაშვილის ქუჩაზე ვაკის პარკის მიმართულებით მოძრავი ავტომანქანები დიმიტრი არაყიშვილის ქუჩის გავლით მოძრაობას გააგრძელებენ როგორც ირაკლი აბაშიძის ქუჩის მიმართულებით, ასევე, ილია  ჭავჭავაძის გამზირზე, ცალმხრივად, ან ნინო რამიშვილის ქუჩის მიმართულებით.

- ზაქარია ფალიაშვილისა და დიდიმ მირცხულავას ქუჩების კვეთიდან ავტომანქანები იმოძრავებენ ზაქარია ფალიაშვილის ქუჩის გავლით, ოთარ თაქთაქიშვილის ქუჩის კვეთამდე, საიდანაც უკვე ოთარ თაქთაქიშვილის ქუჩის გავლით გავლენ ილია ჭავჭავაძის გამზირზე და იმოძრავებენ მხოლოდ ვაკის პარკის მიმართულებით,  ცალმხრივად.

- რაც შეეხება, ვაკის პარკიდან რუსთაველის გამზირის მიმართულებით მოძრავ ავტომანქანებს, ისინი ილია ჭავჭავაძის გამზირზე იმოძრავებენ მხოლოდ ლადო კავსაძის ქუჩის კვეთამდე, საიდანაც მოძრაობას გააგრძელებენ ლადო კავსაძის ქუჩის გავლით, ირაკლი აბაშიძის ქუჩაზე, მრგვალი ბაღის მიმართულებით, ასევე, ავტოტრანსპორტი იმოძრავებს ილია ჭავჭავაძის გამზირისა და ლადო კავსაძის ქუჩის კვეთიდან ზურაბ ავალიშვილის ქუჩით, ე.წ. ახალ გზაზე“, - ნათქვამია განცხადებაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა