„7 ნოემბერი არის სადიზმის ერთ-ერთი გამოხატულება, რაც „ნაციონალურ მოძრაობას“ საზოგადოებისადმი ჰქონდა“, - ამის შესახებ პარლამენტის ვიცე-სპიკერმა, გია ვოლსკიმ ჟურნალისტებს 2007 წლის 7 ნოემბერს განვითარებულ მოვლენებთან დაკავშირებით განუცხადა.

მისივე თქმით, შეცდომები და სასაყვედურო დღევანდელ მთავრობასაც აქვს, თუმცა „ბოლო წლებში ბევრი რამ გაკეთდა.

„7 ნოემბერი ჩვენი განვლილი ცხოვრების მხოლოდ ერთი სეგმენტი და ერთი ეპიზოდია. ეს არის სიმბოლო ისევე, როგორც ის ყავარჯნებიანი კაცი იქცა 7 ნოემბრის სიმბოლოდ, თორემ ამის მიღმა უამრავი რამ არის, რაც მათ მიერაა ჩადენილი და გაკეთებული. უამრავი ხალხია გაუბედურებული, რომელთა მძიმე მდგომარეობა დღემდე მემკვიდრეობად მოგვყვება. ეს არის 7 ნოემბერი. რაც შეეხება საყვედურებს, ალბათ არის სასაყვედურო, მაგრამ იმ უშველებელი საქმეების ჩამონათვალსაც გადავხედოთ, რაც ამ ბოლო პერიოდში გაკეთდა. ათეულ ათასობით ადამიანია სიკვდილს გადარჩენილი გინდა სამედიცინო დახმარებით და გინდა თანადგომით, რასაც სხვა სოციალური პროგრამები ჰქვია. თუმცა ეს არ არის საკმარისი. უფრო მეტი ძალისხმევაა საჭირო ეკონომიკის განვითარების თვალსაზრისით“, - განაცხადა გია ვოლსკიმ.

ავტორი: ,

სოციალური ქსელები

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს