კორძაია ივანიშვილის მიმართვაზე: ეს იყო სასოწარკვეთილი და შეშინებული ლიდერის გამოსვლა

2018-11-05 15:47:13, 1592 ნახვა

კომენტარი

„დღევანდელი მისი მოწოდება იყო სასოწარკვეთილი და შეშინებული ლიდერის გამოსვლა“, - ამის შესახებ „რესპუბლიკური“ პარტიის ერთ-ერთმა ლიდერმა თამარ კორძაიამ, „ქართული ოცნების“ თავმჯდომარის, ბიძინა ივანიშვილის ვიდეომიმართვაზე საუბრისას განაცხადა.

როგორც კორძაიამ აღნიშნა, ივანიშვილმა აქცენტი ისევ წარსულზე გააკეთა, რადგან მომავალს ვერ ხედავს.

„ის ისევ აქცენტს აკეთებს მხოლოდ და მხოლოდ წარსულზე, ყველაზე დიდი საშინელება სწორედ ეს არის, რომ ის ვერ ხედავს მომავალს, ის ვერ ხედავს მისგან განსხვავებული აზრის მქონე ადამიანებთან თანაცხოვრების შესაძლებლობას და წარმოუდგენელია, რომ საქართველოს მოქალაქეებმა ეს მიიღონ მისგან. ყველაზე დიდი პრობლემა სწორედ, ეს არის, რომ „ქართული ოცნების“ ხაზი და რაც სალომე ზურაბიშვილმა თქვა, ორი საქართველო არსებობს, დღეს დადასტურდა, რომ ბიძინა ივანიშვილის აზრია“, - განაცხადა თამარ კორძაიამ.

ბიძინა ივანიშვილის ვიდეომიმართვა იხილეთ აქ