საფრანგეთის მთავრობა ქვეყნის საიმიგრაციო კანონმდებლობისა და თავშესაფრის მინიჭების წესების გამკაცრების ინიციატივით გამოდის, - ამის შესახებ Reuters იუწყება.

მედია საშუალების ინფორმაციით, შესაბამისი კანონპროექტის შეტანას პარლამენტში საფრანგეთის მთავრობა დღეს გეგმავს.

კანონპროექტის თანახმად, არალეგალი მიგრანტების დაკავების პერიოდი, რომელიც ამ ეტაპზე 45 დღეს შეადგენს, გაორმაგდება და 90 დღემდე გაიზრდება. ასევე მცირდება თავშესაფრის მინიჭების შესახებ განცხადების წარდგენის ვადები, ხოლო მიგრანტები რომლებიც საზღვარს უკანონოდ გადაკვეთენ მათ ერთწლიანი პატიმრობა და ჯარიმების გადახდა მოუწევთ.

გარდა ამისა, საფრანგეთის მთავრობაში სურთ, რომ ემიგრაციის საკითხებში უფრო მტკიცედ და სამართლიანად იმოქმედონ, ამიტომ კანონპროექტის თანახმად არასრულწლოვანი პირებისთვის თავშესაფრის მინიჭება მარტივდება და ორჯერ მცირდება ვადა, რომლის განმავლობაშიც სახელმწიფო სტრუქტურებმა თავშესაფრის მინიჭების შესახებ განცხადება უნდა განიხილონ.

საპარლამენტო უმრავლესობის წევრის სონია კრიმის განცხადებით, მთავრობა მსგავსი ქმედებებით "ადამიანების შიშებას ეთამაშება".

"ყველა მიგრანტი არ არის ტერორისტი, უცხოელები ყოველთვის არ იტყუებიან მათი სოციალური მდგომარეობის შესახებ", - დასძინა ემანუელ მაკრონის პარტიის წევრმა.

BVA -ის მიერ ჩატარებული სოციოლოგიური კვლევის თანახმად, საფრანგეთის გამოკითხული მოსახლეობის 63% მიიჩნევს, რომ ქვეყანაში ძალიან ბევრი იმიგრანტია.

2017 წელს საფრანგეთში თავშესაფრის მაძიებელთა რაოდენობამ რეკორდულ მაჩვენებელს მიაღწია და 100 000-ს გადააჭარბა. აქვე Reuters-ი წერს, რომ რეკორდული მაჩვენებელი მაინც გერმანიაში დაფიქსირდა, სადაც თავშესაფარს 186 ათასი ადამიანი ითხოვდა.

ავტორი: ,

სოციალური ქსელები

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება

სააკაშვილი: ვახო სანაიას დაპატიმრება საზოგადოების დაშინებისა და მედიის წინააღმდეგ დიდი გეგმის ნაწილია

საია: ოქრიაშვილზე თავდასხმა სახელმწიფოს მიერ შექმნილი ძალადობრივი გარემოს შედეგია