ენერგეტიკის მინისტრის მოვალეობის შემსრულებელი კახა კალაძე არ გამორიცხავს, რომ მთავრობამ ელექტროენერგიის ტარიფის სუბსიდირებაც მოახდინოს.

ამის შესახებ კალაძემ ტელეკომპანია "იმედის" ეთერში გადაცემა „იმედის კვირაში“ განაცხადა.

მისი თქმით, გაიზრდება თუ არა ელექტროენერგიის ტარიფი, სექტემბერში გახდება ცნობილი. იმ შემთხვევაში, თუ მოსახლეობისთვის და კომერციული სუბიექტებისთვის ტარიფი გაიზრდება, მთავრობა გადაწყვეტს, მოხდება თუ არა ისევ სუბსიდირება.

"კომპანიებმა შეიტანეს განაცხადი მარეგულირებელ კომისიაში. მარეგულირებელი კომისია არის სრულიად დამოუკიდებელი ორგანო და ის ვალდებულია დათვალოს, შეუქმნა თუ არა რაიმე პრობლემა ლარის დევალვაციამ კომპანიებს. შესაბამისად, მას 10 სექტემბრამდე აქვს ვადა მოახდინოს ტარიფის გადათვლა. თუ იქნება ტარიფის მომატებაზე საუბარი, ეს ყველასთვის იქნება ცნობილი. მთავრობამ შემდეგ უნდა იმსჯელოს, ისევ სუბსიდირებას მოახდენს, თუ მოსახლეობისთვის და კომერციული სუბიექტებისთვის ტარიფის მომატება მოხდება", - განაცხადა კალაძემ.

მისივე თქმით, თავად სუბსიდირების მომხრე არ არის.

"მე ზოგადად სუბსიდირების მომხრე არ ვარ. ეს გარკვეულ ეტაპზე მიზანშეწონილი იყო, მაგრამ გრძელვადიან ეტაპზე ეს მძიმე იქნება ჩვენი ბიუჯეტისთვის და კომპანიებისთვის. ჩვენ გვაქვს პრეტენზია, რომ ქსელი იყოს ძალიან კარგ მდგომარეობაში, რადგან რეგიონებში ამ მიმართულებით გარკვეული პრობლემები არსებობს. ერთი ამინდის ცვლილება, ქარის ამოვარდნა იწვევს ელექტროენერგიის გათიშვას. 10 წლიანი გეგმა გვაქვს შემუშავებული, თუ არა უნდა გაკეთდეს ამ მიმართულებით რომ საქართველოში ენერგეტიკული სისტემა სრულიად გამართული იყო", - აღნიშნა კალაძემ. 

რაც შეეეხება ბუნებრივი აირის ტარიფის სუბსიდირებას, კალაძის განცხადებით, ეს მხოლოდ მოსახლეობაზე ხდება და ბიუჯეტიდან ამისათვის წლიურად 15 მილიონი ლარია გამოყოფილი.

ენერგეტიკის მინისტრის მოვალეობის შემსრულებლის განცხადებითვე, ტარიფებთან დაკავშირებით პრემიერ-მინისტრთან დაპირისპირება არ ჰქონია.

 "არავისთან დაპირისპირება არ მაქვს. მე თუ ვინმესთან მაქვს დაპირისპირება, ეს ხდება ღიად. მე გუნდის წევრი არ ვიქნები, თუ ვინმეს ვუპირისპირდები. მე ჩემი კონკრეტული შეხედულებები მაქვს და ამაზე ღიად ვსაუბრობ", - აღნიშნა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება