ივანიშვილი: მთავრობა ანგელოზებით ვერ იქნება დაკომპლექტებული

2016-09-22 12:54:32, 1156 ნახვა

პოლიტიკა

საქართველოს ყოფილი პრემიერ-მინისტრის ბიძინა ივანიშვილის შეფასებით, გიორგი კვირიკაშვილი კიდევ უფრო მკაცრად იცავს სტანდარტებს, რომელიც მან დაამკვიდრა.

როგორც ივანიშვილმა GDS-ის გადაცემაში განაცხადა, სტანდარტების დაცვაში გულისხმობს იმას, რომ კანონი პირველ რიგში ხელისუფლების წარმომადგენელმა უნდა დაიცვას.

"დამოკიდებულებაა კვირიკაშვილის კიდევ უფრო მკაცრი, ვიდრე იყო ჩემს დროს.კვირიკაშვილს ჩემზე მკაცრად ექნება სტანდარტები დაცული. კანონი უნდა დიცვას პირველ რიგში ხელისუფლების წარმომადგენელმა. მინისტრმა უნდა დაიცვას კანონი.სამინისტროს ბიუჯეტი მინისტრის ჯიბე არაა. ეს ნუ ეგონებათ. მაგალითი კარგი გვაქვს "ნაციონალური მოძრაობის" მმართველობის. აქაც ახლა ანგელოზებით ვერ იქნება დაკომპლექტებული მთავრობა.რეგიონებში გამოცდილება კიდევ უფრო დაბალია და ამის კონტროლი და ანალიზი კიდევ უფრო რთულდება.შემთხვევები იყო გამგებელთან, კიდევ შეიძლება გავიგონოთ სადღაც რაღაც, ხშირად გამოუცდელია გამგებელი",-განაცხადა ბიძინა ივანიშვილმა და დასძინა, რომ მთავარია, ხელისუფლების სურვილია, დანაშაული არ დაუშვას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან