ამერიკის შეერთებული შტატების საჰაერო ძალებისა და ლატვიის შეიარაღებული ძალების ეროვნულმა ორკესტრებმა გორში კონცერტი გამართეს.

თავდაცვის სამინისტროს ინფორმაციით, კონცერტს ადგილობრივი მოსახლეობა, V ქვეითი ბრიგადის სამხედრო მოსამსახურეები ოჯახის წევრებთან ერთად, დაჭრილი სამხედრო მოსამსახურეები და ეროვნული თავდაცვის აკადემიის იუნკრები დაესწრნენ. უცხოური ბენდები საქართველოს დამოუკიდებლობის დღესთან დაკავშირებით სტუმრობენ.

ლატვიის შეიარაღებული ძალების ეროვნული ორკესტრი 1991 წლის დეკემბერში დაფუძნდა, როდესაც მუსიკოსების ჯგუფმა მოამზადა კონცერტი, რომელმაც ლატვიის კულტურის მინისტრის რაიმონდ პაულსის მაღალი შეფასება დაიმსახურა.1992 წლის 3 იანვარს ბენდმა რეგულარული რეპეტიციები დაიწყო და პროფესიულად სულ უფრო გაიზარდა. დღეს ბენდი მუსიკალურ აკომპანირებას უწევს ლატვიის პრეზიდენტს და სხვა მაღალი რანგის პირებს, ასევე მონაწილეობს სხვადასხვა სამხედრო ცერემონიებსა თუ აღლუმებში, სატელევიზიო პროგრამებში, სიმღერისა და ცეკვის ფესტივალებში და მუსიკალურ არანჟირებას უწევს ლატვიის მასშტაბით სხვადასხვა საზოგადოებრივ ღონისძიებებს.

ამერიკის შეერთებული შტატების საჰაერო ძალების ორკესტრი კი მუსიკალურ საქმიანობას ევროპაში, აფრიკასა დ სამხრეთ-დასავლეთ აზიაში ეწევა. ბენდი მუსიკალურად აფორმებს ევროპასა და აფრიკაში შეერთებული შტატების საჰაერო ძალების შტაბში, ასევე ევროპისა და ამერიკის კონტინენტებზე განხორციელებულ სახელმწიფო ვიზიტებს. მონაწილეობს სამხედრო აღლუმებსა და სხვა ოფიციალურ ღონისძიებებში. ორკესტრს ისტორიული გამოსვლები ჰქონდა აღმოსავლეთ ევროპაში, ასევე ნატოს პარტნიორ ქვეყნებში ნატოს პარტნიორობა მშვიდობისათვის პროგრამის ფარგლებში. ბენდის რეპერტუარის დიდი ნაწილი მოიცავს ამერიკულ მარშის მუსიკას, ასევე ბროდვეის მელოდიებს, კინომუსიკას, ამერიკულ ჯაზს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება