ქედაში დამეწყრილი ლოკაციების გაწმენდითი სამუშაოები 24-საათიან რეჟიმში მიმდინარეობს. ამის შესახებ ინფორმაციას მუნიციპალიტეტის მერია ავრცელებს.

მერიის ცნობით, გაწმენდითი სამუშაოები მერმა როლანდ ბერიძემ, აჭარის საავტომობილო გზების დეპარტამენტის უფროსთან, მამუკა თურმანიძესთან ერთად, ადგილზე მოინახულა.

"სამუშაოებში საავტომობილო გზების დეპარტამენტის და ქედის კომუნალურსერვისის ტექნიკაა ჩართული.

გუშინ, რთული მეტეოროლოგიური პირობების, ძლიერი წვიმის შედეგად ათეულ ლოკაციაზე განვითარდა მეწყრული პროცესები, დაიმეწყრა როგორც ადგილობრივი მნიშვნელობის, ასევე ბათუმი-ახალციხის მაგისტრალი. ცენტრალური მაგისტრალის პირველი მაისის მონაკვეთზე ჩაკეტილია საავტომობილო გზა, თუმცა მოძრაობა შესაძლებელია შემოვლითი გზით. 

მუნიციპალიტეტში განვითარებული მეწყერის გამო 100-მდე ოჯახი გაყვანილია უსაფრთხო ადგილას.

ქედაში, ხვალიდან აჭარის გეოლოგიური სამსახური და მუნიციპალიტეტის "სტიქიის შედეგად დაზარალებული მოსახლეობის შემსწავლელი" კომისია დაიწყებს განვითარებული მეწყერის შედეგად დაზარალებული ოჯახების და ტერიტორიების შესწავლას",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება