„ქართული ოცნების“ თბილისის მერობის კანდიდატმა და მოქმედმა დედაქალაქის მერმა, სააჩევნო უბანზე საკუთარი ხმა დააფიქსირა.

როგორც კახა კალაძემ ჟურნალისტებს განუცხადა, მან ხმა მისცა განვითარებას და უბნებში მეტი სიცოცხლის შეტანას.

კახა კალაძემ მოსახლეობას აქტიურობისკენ მოუწოდა.

„მე ხმა მივეცი განვითარებას, იმას, რომ მეტი სიცოცხლე შევიტანოთ ყველა უბანში, რა თქმა უნდა შემოვხაზე კახა კალაძე, 41, იმისთვის რომ ის აღმშენებლო და განვითარება რაც გვაქვს დაწყებული, გაგრძელდეს, ვერავინ და ვერაფერი შეაჩერებს ამას. ჩვენ გვაქვს კონკრეტული ნაბიჯები გადადგმული ყველა მიმართულებით, რეფორმები, სიახლეები ეს ყველაფერი აუცილებლად გაგრძელდება. მინდა მოვუწოდო მოსახლეობას, იაქტიურეთ, თქვენი აქტიურობა მნიშვნელოვანია, რათა ჩვენ ყველამ ერთად შევძლოთ იმ საქმეების გაკეთება, რაც სჭირდება დედაქალაქს“, - განაცხადა კალაძემ.

ამასთანავე, კალაძის თქმით, მას აქვს დიდი იმედი, რომ „ქართული ოცნება“ ყველა მუნიციპალიტეტში დამაჯერებლად გაიმარჯვებს.

„ძალიან დიდი იმედი მაქვს გამარჯვების, ყველა მუნიციპალიტეტში „ქართულ ოცნებას“ აქვს დიდი თანადგომა, არჩევანის გაკეთებაც ძალიან მარტივია. კარგად ვხედავთ მეორე მხარეს რა დგას, რა არის და რა განსხავებაა ჩვენსა და მათ შორის, ასე რომ, ყველა „ქართული ოცნების“ კანდიდატს მინდა წარმატება ვუსურვო“, - განაცხადა კალაძემ.

ავტორი: ექსპრესნიუსი,

სოციალური ქსელები

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება

"შემოსვლა მომგებიანია" - საქართველოს ბანკის გათამაშება ინდმეწარმეებისთვის დაიწყო