საქართველოს მესამე პრეზიდენტმა, მიხეილ სააკაშვილმა ციხიდან წერილი გაავრცელა, რომელიც მისმა ადვოკატმა ნიკა გვარამია რუსთავის ციხის დატოვების შემდეგ  საჯაროდ წაიკითხა.

 როგორც წერილშია ნათქვამი, მიხეილ სააკაშვილმა ზუგდიდელებს მიმართავს  და სოლიდარობას უცხადებს  ანზორ მელიას და "ნაციონალური მოძრაობის" კანდიდატს, მანუჩარ ფიფიას.

სააკაშვილმა, ასევე მოუწოდა ყველას ხვალ აქციაზე შეკრებისკენ.

„ივანიშვილის რეჟიმის მთავარი მიზანი, როგორც თავის დროზე „მხედრიონის", არის სამეგრელო. ის უკანონობა, რომელსაც ზუგდიდში ჩადიან და უკვე აპირებენ სენაკში და სხვაგანაც, არ უნდა შერჩეთ. მე მქონდა შესაძლებლობა ჩამესუნთქა სამეგრელოს ჰაერი და ეს არის თავისუფლების ჰაერი. საქართველოს გათავისუფლება ისევ უნდა დაიწყოს სამეგრელოდან. ხვალ ყველანი ხმების დასაცავად, ნიკა მელიას და პარტიის სხვა ლიდერების მეთაურობით. სოლიდარობა ანზორ მელიას და ჩვენ კანდიდატს ფიფიას, რომელმაც გაიმარჯვა პირველ ტურში და ახლა გამარჯვებას ართმევენ. სოლიდარობა ზუგდიდელებს. ზუსტად ვიცი რა შავი ფურცელია ჩვენ ისტორიაში ის, რომ ზვიად გამსახურდიას ვერ გაუფრთხილდით მთელი საქართველო. ასევე ზუსტად ვიცი, რომ ეს აღარასდროს განმეორდება და ერთად ჩვენ ამას აღარ დავუშვებთ“, - წერს სააკაშვილი მიმართვაში.

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ