პარლამენტის თავმჯდომარე აცხადებს, რომ ფარულ მოსმენებზე რიიგარეშე სხდომა არჩევნების შემდეგ ჩატარდება

2021-09-21 11:30:14, 593 ნახვა

პოლიტიკა

პარლამენტის თავმჯდომარე კახა კუჭავა აცხადებს, რომ სავარაუდოდ, სუს–ის ფარულ ჩანაწერებთან დაკავშირებით საკანონმდებლო ორგანოში რიგგარეშე სხდომა და მოსმენა თვითმმართველობის არჩევნების შემდეგ, აუცილებლად ჩატარდება.

კუჭავა აღნიშნავს, რომ ოპოზიციის ინიციატივასთან მიმართებაში, რომ რიგგარეშე სხდომა არჩევნებამდე ერთი კვირით ადრე ჩატარდეს, ოპოზიციაში არ არის ერთობა, რადგან წინასაარჩევნო კამპანია მიმდინარეობს.

„არჩევნებამდე ერთი კვირით ადრე სხდომის მოწვევა არ არის ის პრაქტიკა, რომელიც ოდესმე განხორციელებულა. არც ახლა მიმაჩნია, რომ არჩევნებამდე ერთი კვირით ადრე უნდა ჩატარდეს სხდომა, რომელიც თავისუფლად შეიძლება, რომ ჩატარდეს ერთი კვირის შემდეგაც სრული კონცენტრაციით, ყველა დეპუტატის მონაწილეობით. ფაქტია, ამ კუთხით ოპოზიციაშიც არ არის ერთობა და ყველა ვერ მოახერხებს დასწრებას, რადგან წინასაარჩენო კამპანიის ფარგლებში გაფანტული არიან რეგიონებში, ეს არის მარტივი პასუხი. ამ საკითხზე სხდომა ჩატარდება აუცილებლად, მოსმენაც იქნება“, – განაცხადა კახა კუჭავამ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,