გერმანიის ელჩი ჩანაწერებზე - დიპლომატების ფარული მოსმენა ვენის კონვენციის დარღვევაა

2021-09-17 15:14:21, 644 ნახვა

პოლიტიკა

საქართველოში გერმანიის ელჩი, ჰუმბერტ ქნირში სუს-ის ფარულ ჩანაწერებზე საუბრისას აცხადებს, რომ დიპლომატების ფარული მოსმენა, მაშინაც კი, თუ ეს არ არის მათზე მიმართული, დიპლომატიური ურთიერთობების შესახებ ვენის კონვენციის დარღვევაა.

„დიპლომატიური წარმომადგენლობების ფარული მოსმენა, იმ შემთხვევაშიც კი, როდესაც ეს არ არის მათზე მიმართული, წარმოადგენს დიპლომატიური ურთიერთობების შესახებ ვეის კონვენციის დარღვევას. ჩვენ ვაფასებთ თანამშრომლობას საქართველოს სახელმწიფო უსაფრთხოების სამსახურთან, გამჭვირვალობისა და კონტროლის საკითხები განიხილებოდა ნატოსთან საქართველოს ყოველწლიურ შეხვედრებზე, ვფიქრობ, ეს მომავალშიც გაგრძელდება“, - განაცხადა ქნირშმა „ნეტგაზეტისთვის“ მიცემულ წერილობით ინტერვიუში.

ცნობისთვის, სავარაუდოდ, სახელმწიფო უსაფრთხოების სამსახურიდან გამოჟონილი ფარული ჩანაწერებიდან ირკვევა, რომ სახელმწიფო უსაფრთხოების სამსახური საქართველოში აკრედიტირებული დიპლომტიური კორპუსის წარმომადგენლებსაც უსმენდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,